Popular Bible Verses from Markos 16

Share

Daidi Suxi potïtïdai go mamaatïrdami, —Iimibïrai bïïxi oidigi daama dadi abïr aitulda Diuxi ñokidï bhai ïrhiarakami bïïxi óídakami buitapi.

Daidi potïtïdai ïpï, —Go ix makïdï gin buaboitudadagi naana maaxi iduñimu ix makïdï odami ïïgi xadïrï ixtuidïna dai podukai maaxituda agai xi Diuxi gubukadadïkïdï aatabuayi ïgai. Odamiañdïrï bubaidamu ïgai Diabora tïtïañikarudï aanï gin gubukadakïdï. Dai ïma maaxi ñoki mui ñokadamu ïgai ix makïdï mai maatïkana ïgai. Kookoyi buimu ïgai ïpï dai xi yïïdagi ïgai kodakaru maaxi mai xïduñimu ïgai. Duduadamu ïgai kokokoñiadï mos taatakai ïgai— itïtïdai Suxi.

Odami ix makïdï gin buaboitudagi kaïkai Diuxi ñokidï daidi gïn bakuanakagi, ïgai kïïgakïrï bubuaki agai. Dïï gia ix makïdï mai buaboitudadagi ïgai biakamu gïïdukami gïïgïbituldaragai abhana— itïtïdai.

Dai go mamaatïrdami aipako iji dai óídakami buitapi aiturhi Diuxi ñokidï. Dai Suxi Gïr Nukadakami soikïiña aaduindadïrï bai ïgai naana maaxi ibuadana ix makïdï ïïgi odami xadïrï ixtuidana ix ibuadagi. Podukai maaxiturhi sai ix makïdï aagaiña ïgai ïr buaboi. Dai mosïkaxi.

Dai go gïrhi potïtïdai aidï, —Maiti abïr duduadikuda. Aapimï gaagai Suxi go Nasaretañdïrï oidakami, go ix makïdï kuruxiana gï xixatu— itïtïdai. —Ka duaka ïgai dai ka mai tipu tanai, nïijadabïrai mobai mïx xako tïï— itïtïdai.

Dai nïnïabakai tïï ïgai go gïï odai xi ka maigobai daja. Mïtai baapa xako yaasapitadai go Suxi dai tïï ïmo gïrhi xi ami sïïrhixapadïrï dajatadai. Yukuxidï mïï tana ugurai dai kïï totoaja. Daidi go oki arhiï duduadimu tïïgakai.