Popular Bible Verses from Markos 12

Share

Dai Suxi potïtïdai, —Gï aagidamu aanï ix kaiti go bamioma namïakïdï ojai, gobai ikaiti, Kaïkabïrai aapimï Israelïrï óídakami, Mos arhi ïmaduga ïgai dai ïr Diuxi gïr Nukadakami. Mai tipu ïmai. Bïïxi gïn iibhïdagakïdï dai gïn tïgibudagakïdï dai gïn gubukarhigakïdï abïr oigïda nïijada Diuxi Gïr Nukadakami, itïtïdai Suxi. Gobai ïr go bamioma namïakïdï ojai. Dai ix makïdï oidi ikaiti sai, Ix xïïxi gï oigïdai ïïgi aapi go kaaki gï aagai pïxi oigïada gï aaduñi ïpï. Potudu ikaiti go ojai bïï gokatai ix makïdï bïïxi adama gï aagai xi ïïgiadagi— itïtïdai Suxi.

Dai Suxi báí mamaatïrdamigadï daidi potïtïdai, —Aanï aagai sai idi biudu soitigami bamioma tua xi go gaa ix makïdï ami tuajaimi tuminxi. Go gaa mos bhaibitukami bia tuminxi dai abhiadïrï maa ïgai. Dïï gia go oki soitigami mos arhi goka tuminxi biakatadai ixtukïdï oidakagi dai bïïxi tua ïgai. Go gaa mos bhaibitukami bia tuminxi dai abhiadïrï maa ïgai. Dïï gia go oki soitigami mos arhi goka tuminxi biakatadai ixtukïdï oidakagi dai bïïxi tua ïgai— itïtïdai.

Kia kiupiïrï dajatadai Suxi tai daiba ïgai buidïrï go kajoñi xako gatuajaidana odami tuminxi Diuxi aaduindadï bïïtarï. Dai mos nïnïidimi ïgai go odami ix tuma buadana. Nïidi ïgai ix makïdï ïr gïn bipidakami dai ïgai mumui tuayi tuminxi ami kajoñiïrï. Tai bhodïrï ami ayi ïmo biudu soitigami dai ïgai mos arhi goka aarhi tuminxi tua.

Dai gï aagai tïxi oigïada nïijada ïgai bïïxi gïr ibhïdagakïdï dai gïr tïgibudagakïdï dai gïr gubukarhigakïdï. Dai gï aagai ïpï tïxi ïpïan ïxi oigïada nïijadagi gïr aaduñi ix xïïxi gïr oigïdai aatïmï ïïgi. Xi pomaaxi ibuada aatïmï, gobai bamioma namïga Diuxi bui xi bhai bïïxi ix makïdï ibuadagi odami xadutudaragai bïïtarï Diuxi, dukami kodaragai dai mïmïidagi buxtaki— ikaiti go maatïtuldiadami sïïrhikami.

Dai Suxi potïtïdai aidï, —¿Maiti ix ïr César tuidadï go tuminxi biakatai modï ïmadï tïtiaradï? Tïïgidabïrai César tuduidï ixtumaxi ïr ïgai tuidadï dai ixtumaxi ïr tuidadï Diuxi bïrai tïïgida Diuxi ïpï— itïtïdai. Dai go ix makïdï gïpiïrï buaja ïrhiditadai go Suxi ka mai tïï ixdukatai gïn tïgitoagi kaïkai aatagidï.