Popular Bible Verses from Markos 11

Share

Aanï aagai sai tomax tuma tanïdagi aapimï Diuxi ïgai gïn maakimu. Mos gï agai mïx kïï buaboitudadagi xi ka bia aapimï mïx tuma tanïi xi ïgai gïn urhiñdamu gobai.

Daiñi, xi ïmadutai kïï buaboitudadagi dai tïdagi ïmo gidi, —Imïdañi marïrï dai mïï gïxi, mos pobï duñimu gobai, ix ïmadutai kïïgakïrï buaboitudada tudu.

Xudu aataga agadagi aapimï ïmadï Diuxi dai gïn tïgitoagi xi ïmadutai soi gïn buididi abïr oigïlda tomax tuma soi gïn buididi ïgai. Aidï gia kïïgadu ix aatagada aapimï ïmadï Diuxi.

Dai Suxi potïtïdai, —Gï agai mïx buaboitudadagi Diuxi— itïtïdai.

Bhodïrï gï aagakai maa ñoki go odami daidi potïtïdai, —Diuxi ñokidïrï adukai ojixi— itïtïdai. —Diuxi kiidï ïr Diuxi daanïdaragai Diuxi bïïtarï. Bïïxi oidigi daama óídakami bïïtarï gobai tudu. Dïï ïïxibogami kiidï dukai bia aapimï Diuxi kiidï— itïtïdai.

Sïïrhikïdï muidu iimïdami ix makïdï oi go Suxi ïïmoko bhaitï gukigi dai jaa gokiañdïrï gukigi. Dai bïï aipako mos iñakimi ïgai bhai gïn ïldakai. —Agia ïr gïdukami Diuxi— ikaitiña. —Gia kïï gï ïldamu aapi. Gïr Nukadakami otosadï aapi tudu— ikaitiña go odami aagaitai Suxi.

—Xïï kïïga tïanïdamu idi kïïrhi. Go baaxi sïïrhikami bia gobai ix makïdï biakana gïr pipiixaraga Dabidkaru ïïki. Xibi kaxi miadaimi ix tuigako gïr tïanïda agai ïmoko ix makïdï bia go baaxi Dabidkaru sïïrhikamigadï. Agia ïr gïdukami Diuxi go tïbagiana oidakami— ikaitiña odami.