Popular Bible Verses from Markos 1

Share

Xadiko ïïki kia buimoko bañi go Suxi dai oidigamu dui dai amïka aataga agai ïmadï Diuxi.

—Kaxi ti ayi ixtuigako agaitadai Diuxi ïïki— ikaitimi ïgai. —Ka miadaimi ixtuigako Diuxi tïanïda agai. Xibi gï agai mïxi ïma dukai gïn tïtïgitokagi dai buaboida kaïkagi Diuxi ñokidï bhai ïrhiarakami— ikaitimi.

Bhodïrï mos busai go Suxi sudagiañdïrï dai tïï ïgai tïbagi ix kupiokan tïi dai tïï ïgai Diuxi Ibhïadï ïpï ix tïbañimi ïmo tugu dukai dai gï abhana bii. Dai gï kaidatu ïmo ñoki tïbagiañdïrï daidi kaiti, —Aapi ïr gin maara ix makïdï kïïgakïrï oigïdai aanï. Aapi tudu ïr gin bhai ïrhiaraga— ikaiti go ñoki.

Dai aanï gïn bapakoi sudagikïdï dïï gia ïgai ix makïdï dibiagai ïma dukai gïn bapakoñimu. Ïgai gïn maakimu Diuxi Ibhïadï gïn abhana. Podukai gïn bapakoñimu ïgai— ikaitiña go Juan.

Dai go Suxi potïtïdai aidï, —Gin oidabïrai nai aanï gïn maatïtuldana mïx dukatai gaagagi odami baidi gin buaboitudaiña— itïtïdai go Suxi. Dai otoma anaaxi bia ïgai batopa buikarudï dai oi go Suxi.

Dai bïïxkatai ix makïdï kaï mai tïï ix dukatai gïn tïtïgitoagi kaïkai xïï kïïga ñokai go Suxi. Ïmo gubukadagai biakami dukai gamamaatïturhi ïgai dai mai xu ix maaxi aatagai go ix makïdï ïr maatïtuldiadami judidiu sïïrhikamigadï.