Popular Bible Verses from Mataibo 24

Share

—Bïïx tasai bamioma gïïradamu go buirudagai soimaaxi ibuadatai óídakami aidï oidigi daama. Xi kaxkïdï mui óídakami ka mai oigïdada go jaa. Dïï gia ix makïdï mïï kugatïrï ukami mo ïxi gin buaboitudagi, ïgai gia kïïgakïrï bubuaki agai—.

Dai aanï aagai sai mai kia ugitïkai oidigi sai bïïxi oidigi daama gï aitulda agai go bhai ïrhiaragai aatagi. Bïïxi oidigi daama gï aituldamu go aatagi aagaitai ixdukatai biakana oigaragai go óídakami sai tïanïna Diuxi tudu. Po gï duñimu gobai dai aidï gia kaxi ugiti agai oidigi— itïtïdai.

Naana maaxi pogïduña agai kia mai kia ugitïkai oidigi— itïtïdai. —Kaxkïdï maiti abïr duduadikuda kajiomakatai sai ka iimïi kokodi no xibhïkai xiïpï xi gïn kokodadan kaitadagi óídakami. Gï agadamu xi podukai daibuñagi bïïxi gobai dïï maiti abïr duduadikuda. Mai kia ugitimu oidigi podukai daibunukai.

Naana maaxi nïijadamu aapimï kia tudu. Ïma maa ñokadami bui surhigi agai jaa ix makïdï ïmamaaxi ñokai dai podukai ïpï mui gïgïr tïtïanïdamigadï go aipakoga óídakami gïn bupui surhigi agai ïpï. Muiyapïrï gigiburhi agai oidigi dai kabami oidakami bhiugigai aipakoga. Dai gokïdï utudama ajida agai go soi ïrhiaragai dai kia oidaka agai gïdukamioma soi ïrhiaragai ïpïan dukai xïïxkadï kokokagi oki karhioga buapa agaitai ïmo arhi xïïñi— itïtïdai.

—Bïïxi ugitimu go tïbagi ïmadï oidigi dïï gia aanï gin ñoki gia bïïxkïrï ïr buaboikagi agai. Gobai gia mai ugiti agai— itïtïdai.

Dai Suxi potïtïdai, —Gïn aagidamu aanï ixdukatai maatïkamu aapimï— itïtïdai. —Daiñi, aidï mui dadimu odami aanï in aagaitai. Pokaitadamu sai ïgai ïr go otosadï Diuxi ix makïdï nïnïraka go judidiu tudu ipïrhiditai sai buaboitudaiña go odami dai podukai bupuirumada agai ïgai mui óídakami. Dïï gia gï agai sai gïn nukadakagi aapimï tadu gïn bupuirumadagi ïgai aapimï ïpï.

—Daiñi, bïïxi go naana maaxi ñokadami ix makïdï oidaga oidigi daama gïn kïïdada agai gin aaduñikatai aapimï. Dudunukamiïrï baan gïn tutusadamu ïgai xi go dudunukami soi gïn buidadamu dai gïn kodamu. Amaxi mui óídakami ka maiti ipïldamu xi gin buaboitudagi. Kïïdada agai ïgai asta ïïgi aaduñdï ix makïdï gin buaboitudadagi dai tïïgi agai dudunukamiïrï. Dai oidaka agai mui yaatabogami aidï ix makïdï ñokituldiadamigadï Diuxi gïn aagadamu dai podukai bupuirumada agai ïgai mui óídakami— itïtïdai.

Dai Suxi potïtïdai, —Gïn aagidamu aanï ixdukatai maatïkamu aapimï— itïtïdai. —Daiñi, aidï mui dadimu odami aanï in aagaitai. Pokaitadamu sai ïgai ïr go otosadï Diuxi ix makïdï nïnïraka go judidiu tudu ipïrhiditai sai buaboitudaiña go odami dai podukai bupuirumada agai ïgai mui óídakami. Dïï gia gï agai sai gïn nukadakagi aapimï tadu gïn bupuirumadagi ïgai aapimï ïpï.

Podukai tudu gï agai xi gin nïnïrakagi aapimï ïpï aanï ix makïdï ïr otosadï Diuxi dai ïmo kïïrhi busai. Podukai abïr gin nïnïraka mai maatïkatai xuduku ayimu aanï— itïtïdai.

Daidi Suxi potïtïdai ïpï, —Gï agai xi kïïga nïnïasïrhigan dukai nïnïrakagi aapimï xïïxkadï aiyagi aanï.

—Daiñi— itïtïdai. —Mai tipu xorai maatïkagi xuduku dibia iñagai aanï, tomarhi ix tuma tasïrï. Diuxi tïtïañikarudï tïbagiïrï óídakami mai maatï tomarhi aanï ix makïdï ïr Diuxi Maradï mai maatï ïpï. Mosïkaxi gin Oga ïgai dai kïïga maatï.

—Dai dadimu jaa ïpï daidi potïimu saidi ïgai ïr go otosadï Diuxi ix makïdï nïnïraka go judidiu dai jaa potïimu ïpï saidi ïr ñokituldiadamigadï Diuxi. Naana maaxi buirumadaragai iduñimu ïgai ix makïdï odami ïïgi maiti ixtutuidiña xi ibuadagi dai podukai maaxituda agai xïï gupuka ïgai. Podukai bupuirumada agai ïgai mui odami. Dai asta ix makïdï Diuxi ka ïko bubaitu katoma buaboituda agai ïpï— itïtïdai.

Dïï gia aanï aagai sai xïïxkadï ka ïpamu dibia in agadagi aanï tami oidigi daama sai óídakami ïpïan ibuadamu aidïxi oidakatadai go Noékaru. Po tudu ikaiti aanï ix makïdï ïr otosadï Diuxi dai ïmo kïïrhi busai. Daiñi, aidïxi oidakatadai go Noékaru aidï mai buamï ïrhidiña go óídakami ix dibiagai gïgïbidaragai dai mos sai gakuadana ix dukai ibuadana ïgai bïïx tasai dai gaïmadï bipiïdana dai gamamaakaiña maamaradï oki sai gaïmadï bipiïdana ïgai ïpï. Mai buamï ïrhidiña ïgai tudu asta xïxkadï baa go Noé barko ïrana dai sudaïrï dupi go oidi dai ka bïïxi koi go óídakami. Podukai ïpï mai buamï ïrhiditai óídakamu go óídakami xïïxkadï dibiagi aanï ïpamu, aanï ix makïdï ïr otosadï Diuxi dai ïmo kïïrhi busai tudu— itïtïdai.