Popular Bible Verses from Mâk 13

Share

Aghê àdzə̀m ni dzwə nə̀ ghà bòʼ mìə̀. À mày kə wù wə̀ ù nì tyimə taw tsə anə ibɛmə iwe zù kwùm, Zə̀kìy ni bû bii fyi we.”

Ghà nîy tsə iyemì, ghà byay na tsə iwe nəli, aŋwòə ghà kwu dzə̀ way soŋə fə ayiə yə̀ nì fyiə ate.

Abu ghu kwi zû nə̀ wù lìy a ndàw ìsaʼà yìy, ikwu ù nì nia isə yiy nə̀ ghe kî sì dzìy yə̀ nə̀ìndiə. Zwàykə̀zwekiy ki nyə̀ bə̀ we nə̀ àyiə yə ù kwu nəniy ani dzày, abu soŋə fə ghè fə̀ kpe tsə. À kì kwuni dzìy dzə̀ wày gha ayiə te yiy.

Kəbyiwuŋ nə̀ mbvə̀dintsə kiy nî mìy ŋwò, dzə̀ yam nî kwuni mày kòʼ wày.

Wù lìy kwu dzə̀ way ntsuk fə ghè fə̀ moo soŋə fə ghè fə̀ Wà Kə̀zə̀ nì bè nəniy ate. Tsə̀təndii t-a-zə̀ tìy kwu dyaŋi way, moo Wà ù ghè wə̀ nə̀ ùwee u we wiy, à bvami kwu kə Təli soŋə fə ghè fə̀.

Ghà nî zuw ayiə kwumə̀ yə̀ nə̀ tsam, kwùmə̀ yə̀ sòʼò nə̀ dəm kə tsam kiy, kəə ghǎ nì tsəŋə dzə̂. Ndzòʼo àyiə yə̀ nì kwu ani fyi dzə̀ isə â mbyi ani mày, a nî kwuni dè dzə̀ wày nə̀ mbyi mə mày.

Yəə i də nəniy ghii, byay na tsə nənìy iwe nəli yiy, aŋwòə ghà kwu way soŋə fə mwe ə̀ ndaw kî dzwəŋə bə̂ ate. Ù də̌ ani bù nə̀ nyinkubì tìy, moo nə̀ fòŋə̀ ntsukə, moo nə̀ ùmwaʼ ù twuŋə wiy, moo nə̀ tsuk ù zwe wiy. Abu ù màŋ bvùŋì bù nəniy, kəə ù nì bè kòʼo nə̀ ghà bvənə tsə̀ ŋwò. Ayiə yə mə dzîy awò ghà, mə dzîy â ghè adzə̀m. Ghà byay na tsə nənìy iwee yiy.

Naʼà tìy ni ŋwaa nə̀ nàʼà tə̀liy tiy, ùdòŋ u tənàʼà nə̀ sǔgôʼ tə ghu tiy ni ŋwaa nə̀ ùdòŋ u nàʼà tə̀liy tiy nə̀ sǔgôʼ tə ghu tiy. Mbvə̀dinstsə kiy ni səkìy, kə bəlì anə ndə̀m ə̀ tə̀lòʼo. Dzoŋ ni də soʼo. Ayiə yə̀ ni maŋ də utswə̂d u kaʼa bə̂ nəniy yəə à də̀ ifwabi yə wiyəŋi zuw tsə̂ nəniy isə abu ù dziy byi.

Awò mbyi ani bù mày, à ni də nə̀ ghà mə nàʼà tsìy kpe ntwùm ìdzòŋə̀ yə̀ anə nàʼà tə̀dzə̀m.

Ndə̀mə̀ àghè nî bè ŋwò anə izəd yam, ghu ni dziy nə̀, ‘Mə də Wù wə̀ Zə̀kìy sûw kyili na an-a-dòŋ,’ Ghu ni nɛb maʼà kyabi tsə ndə̀mə̀ aghù.

Ghà nîy tsə iyemì. Ghu nî kwiy zè nə̀ ghà a kə̀lə̀ àghè à saʼa tə saʼ yiy, ghu ni bwad gha anə təkwə̀ a ndaw tə udzəŋə tə ghě Dzû. Ghu ni nîy bû ghà akə̀lə̀ àghè ə utuw anə tənàʼa, nə̀ ùdòŋ wìy bòʼ ìyiə yam, ghà ni naʼà ntwùm ìdzòŋə̀ yə̀ â ghu.

Mə ghî dzìy aŋwòə nə̀ nə̀ Kə̀litò àguw yiy nə̀ àghě ntwùm ə̀ Kə̀zə̀ àguw yiy nî bè ŋwò ghu ni zəŋə mali təyiə tiy, nə̀ ùtsəe wiy anə ndə̀m ani nɛb màʼà àghè, abu i bòʼò də̀ â ghu ani nɛb sòʼò àghù yə̀ Zə̀kìy sây na nəniy, ghu ki nɛb.

Ani bu soŋə fə̀ bɛbə fə ghè fə̀ nì tsìy ŋwô tsə, ləmkiy ni bvə̂ bə̂ anə inyi, ndzoŋ ni də kàmə̀ tu way. Nsìibə̂d mìy ni bvə̂ fyi tswi bə̂ idoŋ, ufyiə u kə daʼa wə u də nəniy idoŋ, u ni soŋ ŋwô tsə anə lòʼo tə u kə də tsə nəniy ate.