Popular Bible Verses from Mâk 11

Share

Mə dzîy bə̀ ŋwò â ghà nə̀ abu wò ŋwa kə kìə̀ kìy awò Zə̀kìy anə i gwùŋì, bɛmə kə nə̀ fòŋ yiə̀ idzə̀m nə̀ wò kì kəli ŋwò, Zə̀kìy kî zəŋə ŋwò nə̀ wò kəli.

Mə ndzəmə̀ dzìy bə̀ ŋwò â ghà nə̀ àyiə àsoŋə̀ yìy nə̀ abu wù dzày yə̂ awò ùkàʼ wə̀ nə̀ ŋwòə nyi tswi yə̀ fiiy anə dzwî ìnè nè yìy, nə̀ wù kə̀ dwâm sə̂m kê anə fôŋ, nə̀ wù kwu anə fôŋ ə̀ we idzə̀m nə̀ ayiə yə ghe dzîy fyiə bə̂, a kî fyiə ŋwò anə yiə yə ghe dzày nəniy, ayiə ghè yə̀ kì ndzə̀mə̀ fyiə ŋwò.

Abu wò dziy gwuŋì, wò səsə kiy nîyzə̀ ə̀ yə̀ dzə̀ ayiə àbɛbə yə aghê liy zəŋi nəniy azoŋə̀ wò, tə̀ təli yiə̀ wə̀ ù də nəniy an-a-vələ kî nìyzə̀ sòʼò ayiə àbɛbə yə wò zəŋə nəniy.

Yesù ə bə̀lì kə we nə, “Kəli tsə ibɛmə yiy awò Zə̀kìy.”

U dyaŋi tyi dè yə̀ â ghu nə̀, “I twâ dòʼò anə ŋwàʼà k-a-zə̀ nə̀ Zə̀kìy kə dzày tsə nə, ‘Ndaw yam də loʼo kə̀ gwuŋə kiy awò àghě nàʼà tə̀dzə̀m.’ Ghà kwuni nîy na tsə nə̀ à də̀ loʼo kə aghê tsoŋə nê dyoʼò nəniy ate!”

Aghû yə̀ ghu zê nəniy isə nə̀ à yuu ghu kə bê nəniy ibàm ghu bvuʼo bə̀ mə̀mbòŋ dzìy tsə nə̀, “Ukali awò Zə̀kìy, lwì kìy də awò wù wə̀ ù bù nəniy anə izəd i Mwe ə̀ Mbyi!

Zə̀kìy lwîy isaʼ i tè ŋgàŋ Devìd yə̀ i bê nəniy isə! Ukali wiy də awò Zə̀ kə̀ kə də nəniy an-a-vələ!”