Popular Bible Verses from Dzwan 4

Share

A way ani kòʼ dzə̀ Kə̀zə̀, aghû yə̀ ghu fwulə̀ nəniy we ghu kwu ani fwùlì we anə yiə yə Zwàykə̀zwe kiy dê bə̂, nə̀ anə̀ ayiə àsoŋə̀ yìy soʼo.”

Soŋə fiy kwunə kpe bə̀ ŋwò, fə mə bòʼ kpe nyiə, awò àghù yə̀ ghu fwulə̀ nəniy Zə̀kiy anə dzə̀d ìdzòŋə̀ yìy, ani fwùlì Kə̀zə̀ anə dzəd yə Zwàykə̀zwekiy dzîy nəniy nə̀ anə ayiə àsoŋə̀ yìy. À yù də ndzòʼò aghù yə̀ Təli khuu tsə̂ nə̀ ghu bû fwulì ighe.

A kwuni bû wù wə̀ mə kî nyiə̀ nəniy we nə̀ mwi nə̀ ù mwu, fòŋə̀ mwi kî kàm swəə way we. Ìn ki də azoŋə̀ we, yəə à də dzwî fə̀ fə də zwumə koʼò dzə̀ wày, fə nyiə̀ nəniy imuə̀ itsà yìy awò we nsòŋə̀ indzə̀m.”

Yesù ə bə̀lì kə a we nə, “Abu wò mə̀ kwu nəniy fyiə kə Zə̀kìy nyiə̀ nəniy, moo wù wə̀ ù ŋwaa nəniy mwi mə̀ mwuə̀ mìy awò wò, wò ə mə ŋwa yə̂ mwi mə̀ mwuə̀ mìy â we, u mə nyiə̀ wò nə̀ mwi mə ìn kwu nəniy imuə̀ itsà yìy.”

Yesù ə dzày yə̀ aghu nə, “Ufânyiə wam wiy də ani fàʼ yə̀ fàʼ kə wû wə̀ ù twum nəniy miə, nə̀ ani mày kə sòʼò fàʼ kə ghè kə̀.

Wiyəŋi wə mee â we nə, “A Mwe, wò kwu way kaŋ kə mwi kiy, bwôʼ kə mwi kə̀ ntswam də̀ ŋwô, wò kì nìy bə̀ yə̌ mwi mə ìn nyə̀ nəniy imuə̀ itsà yiy ə?

Wìyəŋi wə̀ mee a we nə, “Mə kwu nə̀ Wù wə̀ Zə̀kìy sûw kyili na, ù kì bè ŋwò ani bu ù bù nəniy, ù nî tòʼò bày dzày bə̀ ayiə yə awò ghəd.” Yesù ə dzày yə̀ a we nə, “A də miə we mə dzəŋə̀ nəniy nyiə nə̀ wò.”

“Bu kòʼo nənìy wù wə̀ ù dzày mây bə̂ nəniy ayiə̀ yə mə zəŋi kôʼ dzə̂ nəniy, à sì də wù wò Zə̀kìy suw kyili na moo?”