Popular Bible Verses from Rɔmɛri̧ 1

Share

Mi zi tí ka sɔ̧rɔ̧ tɔ́ʼɔ Bélaɓay yá, ɓayhí̧lé ɓá kpɔ́ŋa a Gáŋvbôn ɓay a pɛ̧́ njukuri too ka láɓulaw, Juyífri tí ɗambɛl rá̧ njukuri ka zi tí ɓá Juyífri yáy tɔ́ŋ rú̧.

Katína, Bélaɓay tɔ́ʼɔ káwa a ndáráké a Gáŋvbôn ka ŋgboro a láɓulaw, láɓulaw mbêw yáŋ, ɓá báŋké ka Mbété a mɛ̌ sáy: «Njuku a ndáráké e ziŋ káwa ndísɛ̌ʼɛ ka ŋgboro a láɓulaw.»

Katína, tí a sêe ka Gáŋvbôn mɔny tísiri rá̧ nûnalêy, hɛ̧ a múnáké a mɛ̌, ka zi ɓay a sa ɓá, kpɔ́ŋa a mɛ̌ ka kɔ́rɔ́ké zi tí yáy rá̧ káwa mɛ̌ ɓá Gáŋvbôn, ná ɓá hɛ̧ ka njukuri too kó ɓá táŋáké, gelka kú mí kó hɛ̧ri̧ a ké niŋ. Nǎŋnɔ́ Gáŋvbôn tí pɔŋ kuriri yá.

Ɓayhí̧lé, kú tu Gáŋvbôn, dáy a zi hɔ̧́ nɛ́ nyá, ka zi awá hí̧ nɛ́ ɓá báŋké ka kú e zi awá hí̧ nɛ́, mɛ̌ a ké ɓá Gáŋvbôn nyá. Dáy, kú ɓɔ́l a ɓil kɛrɛ a kuriri, nǎŋnɔ́ kɛrɛ a kuriri táŋ hɛ̧túna ɓá kuriri ri ɓil tirí̧ma.

Kuriri ka fere gbátɓay a Gáŋvbôn tɛ̧́ kúŋɓay, ka hɔ̧́, a niŋ péna hí̧ hɛ̧ri̧ ka Gáŋvbôn mɔny, a sáŋ hɔ̧́ Gáŋvbôn, ka ɓá njuku ka mɔny hɛ̧ri̧ too ka mûn nɛ́, mɛ̌ ka ma ɗéla dát! Amɛn!

Hɛ́rɛ a Gáŋvbôn tɔ́ʼɔ mûn nɛ́ a nûnalê, ɓay tûl a ɓékéhɛ̧ri̧ rá̧ ɓéké káwa a njukuri ka de ŋgboro hí̧ gbátɓay.

Ɓaykénɔ́, pé Gáŋvbôn pɔŋ kuriri ka̧n ɓil zi hɛ̧ri̧ ka hí̧ sɔ̧rɔ̧. Nǎŋnɔ́ wûny a kuriri pɔŋ ná hîi ɓá báŋké kuu wɔ̧rɔ̧́ a kuriri, a niŋ dala a bazeŋ a kuriri wûnynjukuri, hɛ̧ ka ná ɓá hɛ̧sáʼama. Ɓá mbêwké kɔ́, wɔ̧rɔ̧́ a kuriri pɔŋ ná hîi ɓá báŋké kuu wûny a kuriri, a niŋ dala a bazeŋ a kuriri wɔ̧rɔ̧́njukuri. Kú niŋ hɛ̧sɔ̧rɔ̧ a bazeŋ a kuriri, nǎŋnɔ́, kú rezíŋ kpáʼandɔʼɔ péna a kuriri, ka sé ma bɔʼɔséna a kuriri. Ɓá báŋké nɔ́, a kú zi ɓay a tu Gáŋvbôn nyáy, Gáŋvbôn pɔŋ kuriri tɔ́ŋ ŋgboro hɛ̧túna kuriri ka ɓá rá̧náké, nǎŋnɔ́, kú niŋ ɓá hɛ̧ri̧ ka zi tí ɓá hɛ̧ niŋ a nyáy.

Kú mbí mûn a kuriri, ɓá kú kaw ɓá njuku a rɔ̧́nakéri, a tu ɓá, kú kaw ɓá dɔ̂ʼɔri yá. Nǎŋnɔ́, kú ɗél ɓá hɛ̧ri̧ ka ɓá têm a njukuri ka e hûl, têm a ndoyri, têm a sâ̧nyri̧ rá̧ sôyri, a pɔŋ ɗél hɔ̧́na a Gáŋvbôn ka ma hûl bɔʼɔ mbêw yáy.