Popular Bible Verses from Márke 14

Share

Ké sa: «Aba, Bâa a mǐ, ŋgboro erú too hí̧ mɔ́; mɔ́ ɓá yoŋ tɔ́ʼɔsêe nɛ́ ɗí kuu mǐ. Dáy, mɔ́ zi ná niŋ hɛ̧ ka mi ziy, mɔ́ niŋ ɓá hɛ̧ ka mɔ ziy.»

Í ná nâm nyá; A í gɔ́ŋ Gáŋvbôn, ɓay a í zi ná lé ɓil hɛ̧ léna. Njuku mbá ka béla law dáy, ŋgɛ́rɛ zi tí hí̧ nɛ́ nyá.»

Mi sa hí̧ wǎyri gbátɓay, gel too a kú e tɔ́ʼɔ Bélaɓay ka tísiri nɛ́, kú e saɓay sé tûl hɛ̧ ka wûny nɛ́ niŋ, a kɛrɛ ɓay a mɛ̌ dát.»

dáy ké sa hí̧ kuriri ɓá: «Law ní yírí ɛ́ŋlǒo ɓay a mí hú yáŋ. I kaw gelé, a í ná nâm nyá.»

Gelka kú kaw sɔ̧́lâʼay, Zezú mbí biré, a fal zi awá hí̧ Gáŋvbôn, ké haw ɓilké, a hí̧ gunbɛʼɛri, a sa hí̧ kuriri ɓá: «Í nyá, a nɛ́, ɓá mûn ní.»

A falké, ké mbí yoŋ, a zi awá hí̧ Gáŋvbôn, a hí̧ gunbɛʼɛri, dáy kú nzó too. Zezú sa hí̧ kuriri: «A nɛ́ ɓá sêm mûn ní, sêm ŋgá̧nzáʼa a Gáŋvbôn, ka fere ɓay a tûl a njukuri ɓá ŋgɛ̧́náké.

Zezú sa hí̧ kuriri ɓá: «Wǎyri too, i e sáŋ mí, ɓayhí̧lé, kú ɗé ɓá: “Mi e í njuku koro hɛ̧hɔ́lari, dalé, mbóléri e ɓɛrɛ mbêw mbêw too.”»

I uru, a ná kála! Ɓayhí̧lé, njuku ka e zé mí, ka̧ dá!»

Dáy Zezú sa hí̧ nɛ́ ɓá: «Mi sa hí̧ mɔ́ gbátɓay: sénɛ́, ka sû̧ŋ nɛ́, rá̧ tôo ké gbô bɔʼɔké sére lé, mɔ e sa bɔʼɔké sáy, ɓá mɔ zi tu mǐ nyá.»