Popular Bible Verses from Luk 4

Share

Têm a Gáŋmbây e kuu mǐ, ké ten mí, ɓay a mí gí tɔ́ʼɔ Bélaɓay a Gáŋvbôn hí̧ fóyári. Ké pé mí, ɓay a mí gí sa Bélaɓay ten njukuri ka e a ɓil vûn sɛl, ɓay a mí ŋgburu nûn a râ̧wri̧, a mí nyá tûl a njukuri a kú ɓá kuriri tɔ́ʼɔsêe, a mí sa hí̧ njukuri, mbimbɔ̂m ka Gáŋvbôn e tɔ́ʼɔ béla a mɛ̌.

Zezú fere a sa: «Mbété a Gáŋvbôn sa ɓá: Mɔ́ huku mbɛl a Gáŋmbây, Gáŋvbôn a mɔ̌, a mɔ́ hɔ̧́ ɓá mɛ̌ mbɛ́ŋ.»

Zezú fere a sa hí̧ nɛ́: «Mbété a Gáŋvbôn sa: Njuku tí káwa ɓay tûl lâʼa mbɛ́ŋ nyá.»

A fal nyá batêm a Zezú, ké regí a mbii Jurdɛ́ŋ mbá ka Têm Pukí, dáy Têm Pukí ɓá nɛ́ sé ɓil lawkɔ́r.

Zezú fere a sa hí̧ nɛ́: «Mbété a Gáŋvbôn sa kɔ́ ɓá: Mɔ́ zi ná lé Gáŋmbây, Gáŋvbôn a mɔ̌.»

Gelka Sata̧n ɔrɔ lé Zezú ka ŋgboro a hɛ̧ri̧ ɓórí ɓórí too dáy, ké pɔŋ nɛ́ a kála, a kaw zoko nâm a féké.

Sata̧n ɓá nɛ́ sé gel a gáŋaké, a gé tɔ́ʼɔ nɛ́ tísiri too, a sa hí̧ nɛ́: «Mi e hí̧ mɔ́ kpɔ́ŋa, rá̧ mbây a tísiri nɛ́ too, ɓayhí̧lé hɛ̧ nɔ́rí̧ too, kú hí̧ mí, dáy mi e hí̧ njuku ka mi ziy. Mɔ̌ mí huku mbɛl ní, hɛ̧ nɔ́rí̧ too, mi e ɓá hí̧ mɔ́.» Zezú fere a sa: «Mbété a Gáŋvbôn sa ɓá: Mɔ́ huku mbɛl a Gáŋmbây, Gáŋvbôn a mɔ̌, a mɔ́ hɔ̧́ ɓá mɛ̌ mbɛ́ŋ.»

Falké, Sata̧n ɗá Zezú sé Zerúzalɛ̂m, a gé ɓá nɛ́ ew tûl vûn a Gáŋvbôn, a sa hí̧ nɛ́: «Mɔ̌ mí ɓá Gun a Gáŋvbôn lé, mɔ́ zɔ sé tísiri, ɓayhí̧lé Mbété a Gáŋvbôn sa ɓá: “Gáŋvbôn e hí̧nzáʼa hí̧ aŋnze a mɛ̌ri̧, ɓá kú koro mɔ́.” Kú e mbí mɔ́ ka̧n ɓil ndɔ̂ʼɔ a kuriri, ɓay a bɔʼɔ ké zi ná si hɛ̧.» Zezú fere a sa hí̧ nɛ́: «Mbété a Gáŋvbôn sa kɔ́ ɓá: Mɔ́ zi ná lé Gáŋmbây, Gáŋvbôn a mɔ̌.»