Popular Bible Verses from Jon 7

Share

Wa ŋunə u beni anó zənə amə ghayn u zaʼa num i nugə. Ayə ungɨŋ Aŋwaʼanayn Nwiye kwi ugwi ŋunə umə naʼa itəni u yi koŋ ungɨŋ fiŋ ma.”

Anəy zənə mbə́ mə́ sə ŋu maray ufere ŋunə mbə́ mə́ kono usɨgə, nu amə anəy kyayn nu mbə mə jəgə ufere wu, Yeso noʼ item atey ighayn akə igəg kaka kwi, “Adoʼ mbə zom abú wa moʼ u zaʼa ineŋ ayi naʼ une abú uŋwən u nugə.

Yeso ghayn anó zəŋ da Azugə zayn zayn zənə ami inyi igun ba mbənə u beni uŋwən. Ipey akə amaʼ awu cha Nwiye di si cha Azugə ma igun ba damugə cha Nwiye di si naʼa ma iwumini zənə amə i yi Yeso abú uŋwən.

Ka mbən mə saʼa ngwen wa akə unó mbənə mbən mə́ zən ə. Mbən saʼ uŋwən akə inji zənə ikoʼoro.

Wa ŋunə umə aghəy unó aka ikay ma, u yə kaba kwi ba wumini uŋwən. Wa ŋunə umə kaba kwi ba wumini wa ŋunə ucha uŋwən yə ghayn asiʼ, cha umə figə ma unó.

Yeso ywiri abú úŋwən kwi, “Cha unó mbənə amə itey di zaʼa ma amə ineŋ mbə noʼ abú Nwiye ŋunə yə cha aŋu.

Cha aton moʼ abú ba mbənə umə ungɨŋ isəg ibana uŋwen anigə umbi bana aŋu damugə ayə bə ghayn abú úŋwən kwi umbə aghəy unó iboŋ.