Popular Bible Verses from Jon 15

Share

Amə azad fayin. Mbən mə itap fayin. Wa ŋunə u chomo akə anó feyn nə umugə, ayi nibi chomo akə anó feyn nə uŋwən. Anigə uŋwən yi ikuw itɨŋi nanaʼ. Cha nji amə aghəy mbən aghəy anó moʼ amaʼazənə cha aŋu awu.

Mbən chomo akə anó feyn nə umugə, akə inji zənə a nibi chomo akə anó feyn nə umbən. Akə inji zənə cha utap mə ikuw ma itɨŋi amaʼazənə cha ibumi ma inyo azad fayin, amə nibə mugə mbən mi ikuw itɨŋi amaʼazənə mbən bə mə akə anó feyn nə umugə.

Mbən bə chomo akə anó feyn nə umugə, inyi inayn chomo ungɨŋ inen, mbən bə biri aghəy moʼ zənə mbən mə kaba, uŋu Mbaʼ yi aghəy anó wu.

Akə ma umbən mbən choʼo aŋu. Amə umugə mə choʼo gwən itom kwi mbən ŋuw ikuw itɨŋi nu amə itɨŋi tənə imi tənə akə ighari feyn. Mbən bə aghəy nigə, Mbaʼ yi naʼ aghəy moʼ zənə mbən biri abú uŋwən akə uŋu ukum.

Cha iwuʼi moʼ awu nu ichigə iwuʼi zəŋ kwi, wa ku igun utəw uzi ma.

Uŋwən yə sobo itap jum tənə imə iniŋ nu cha imə ikuw uma itɨŋi chuŋ. Uŋwən yə nibə kwana itap jum tənə cha imə ikuw ma itɨŋi boʼo ichiʼe ikuw itɨŋi chuŋ.

“Uŋu ukɨy ŋunə amə naʼa inen amə kwi mbən wuʼ mbən unya aba anji zənə a nibi wuʼe gwən.

Anó zənə ami naʼa iwumini abú uŋu Mbaʼ amə kwi mbən ikuw itɨŋi nanaʼ, zigə yi tey kwi mbən mə umbəŋ məŋə-anóʼ.

Yeso ghayn abú mbə məŋə-anó ma kwi, “Amə azad fayin asiʼ. Uŋu Mbaʼ mə wa ŋunə umə iney imbayn fayin.

Wa moʼ ŋunə cha udi chomo ma akə anó feyn nə umugə, umbi sobo uŋwən i waʼ numugə umə waʼa utap zomo. Ba mbi fere itap zomo wu maʼ ungɨŋ uwəd ituŋ.

Mə si ghayn unó mbəŋ inen boʼo iwuʼi mə ungɨŋ inyi fiŋ nibə mə ungɨŋ itən foro kwi iwuʼi sugi ungɨŋ itən fiŋ.”

Mbən mbə num itəŋ ikɨy, ayə wuʼe ngwən aba anji zənə a si num ikɨy uŋu Mbaʼ anigə uŋwən nibi wuʼe aŋu.

Ukɨy ŋunə amə naʼa inen amə kwi, mbən wuʼ umbən unya.”

Abə mə kwi mbən yə ungɨŋ isəg, nji isəg yi wuʼe ngwən anji zənə imə wuʼe ba uma. Asɨmə mə choʼo ngwən ungɨŋ isəg damugə cha mbən mə ngwən ba ungɨŋ isəg zəŋ. Amə aton zənə isəg mə bana ngwən.