Popular Bible Verses from Markwas 2

Share

Yesu a ta cəna ma ana sə, gege: «Ndah masa ac werwer sə, ma tec ava daɓtar aabay, amaa manəka daɓtar sə, ndah gwabay hay. Masəna, ndah mapana yaŋ teceŋ ka ndah mambəla ana fa yam te ndey ta Zlavay sə, Zlav ke zlərekiyey ke te zelec aabay, amaa e zlərekiyey sə, ka ta zal ndah maŋga mebər hay.»

Masa Yesu a ta wala makəsparav ta ndah ana hay sə, ka gwaɗa nda mahahalɓa sə, gege: «Wat aɗaw mebər takaa hay mapəla.»

Yesu ke gweɗec saya, gege: «Zlav a paɗ pas ta masasak vaw sə, mafay ta ndana bəna, ndana mapa mafay ta pas ta masasak vaw bay.

Amaa ac ka ŋgat cəv ta mahwadiya kad fəma te Yesu aabay, afa miya elehey. Mafay ana, ec ke tep a yaŋ way, ac ka pəzakw yaŋ ta way ana derre ava slam masa Yesu aŋga dapa. Ac ka bəraŋgaɗ nda mahahalɓa sə, fəma tata, nda ana aŋga manaha da yaŋ lambaŋ, macakiya ana hay faɗ majawa ava ɗuweŋ.

Yaw masəna, Wut ta nda aŋga ava gədaŋ ɓa ta mapal mebər ta ndana hay dapa vavara.» Ara nesey, Yesu ka gwaɗa nda mahahalɓa sə, gege: «Ya gwaɗakaa: “Zleftek, kəs lambaŋ takaa, daɗ kad a wunam.”»

Ma masa gədaŋ dapa aabay te megweɗ kad nda mahahalɓa sə, wula: “Mebər takaa hay mapəla” geyey, daha aabay: “Zleftek kəs lambaŋ takaa, daɗay”?

Faŋga faŋga ana, nda sə, pərtakaɗ! E zleftek meendey ta ndana hay fakwanay, ka kəs lambaŋ tata, ka data kad a wunam. Mafay ana, ac fakwanay, ec ke rəzlec macəkuma bay, ac ka hahəm Zlavay, ec ke gweɗ, gege: «Jeŋ ana hay ara nesey sə, andə ka walakwaɗ dapa manjah tandakwa aabay!»