Popular Bible Verses from Markwas 10

Share

Masəna, Wut ta nda e dek kad pa vavara sə, ndana hay aca ra ŋgana mezlər bay. Amaa e dek sə, e de ŋgec mezlər kad ndana hay, e de və mesfen tata ke te mbəlek ndana hay gaa dapa mebərey.»

Mafay ana, Yesu ke njerefeceŋ, gege: «Membəl dapa mebərey sə, ŋgesey jə masa ndana a zlafa maŋgiya bay. Amaa kad Zlavay sə, jene mafəna fa gədaŋ aabay, afa aŋga ava gədaŋ te meŋgə jene hay fakwanay.»

Yesu ka gwaɗa, gege: «Təlam nesey, daɗay! Makəsparav takaa ka mbəlakaa avəda.» Faŋga faŋga ana, ndey tata sə, pəlac a wunata, a wala ndey mambəla ana ara macaaca ana, ka cəp Yesu dapa cəvey.

A lada ndana a ta vəna jə masa Zlav ka cama sə, bay.»

Yesu ka ndandazla nda ana ava mawal vaw, mafay ana, ka gwaɗa, gege: «Magəra jene pal amta ɓa te meŋgey da varakaa. Daɗ ta husamda jene hay takaa fakwanay, ke de vənecen səlay ana kad maslamarga hay. Daha ka ka ŋgaw ara nesey sə, ka ta ŋgat zleley hay gaa da baymaləvaŋ. Ava dəɓa ana, dekey, cəpiyey.»

Yesu ka nəkafa, gege: «Ka wal ya da ŋgakaa sə, mey?» Nda mahazlaw sə, ka vahan, gege: «Bay aɗaw, ya wal ya da wala ndey saya.»

Amaa a lada dapa taɓa takwar sə, de ŋgə ara na bay. Yaw, daha ndana deveŋ akwar a wal manjah ka nda mazlakava sə, a da njah ka nda maŋga mezlər takwar.

Ya gwaɗakwar, daha nda masa ka kəs Wunam ta bay ta Zlavay ara wat aabay sə, e te sehw pa aabay.»

Yaw, deveŋ ndah mama gaa makəsa ma aɗaw masa ac ɓa təlam nesey, ac te vehec kad ava dəɓa. Asaya, deveŋ ndah ava dəɓa təlam nesey sə, ndana hay gaa ac te njehec mama.»

Dapa mezler te jene hay fakwanay sə, Zlav ka lam jene hay fakwanay, ava dəɓa ana, ka lam “mawal va ŋgwaz”. Mafay ana, “Mawal a gərda papaŋ va mamaŋ ka ta cam vaw ava ŋgwaza. Ac ecew ɓasabay, aca tərata ka nda amta”. Ara nesey, ac ta njah ka ndah ecew ɓasabay, amaa aca tərata ka nda amta.