Popular Bible Verses from Zaŋ 4

Share

Zlavay sə, aŋga Mesfeney, a lada ndah ma ta kakəradana ka ta cə mbahw sə, aca ra kakəradana ava gədaŋ te Mesfeney va eve metehwe ana.»

Amaa pas ana e dekey, pas ana maa ka husakata cay, masa ndah mekekəred metehwe ana ka ta cə mbahw kad Zlav Papaŋ sə, ac ta kakəradana ava gədaŋ te Mesfen tata va eve metehwe ana, afa Zlav Papaŋ, a yah ndah masa aca kakəradana ka ta cana mbahw sə, ara nesey.

Amaa nda masana yam masa ya ta vana sə, kwa yam a ta kəɗa ɓasabay, sesəker yam masa ya ta vana sə, daha ka saw, a ta tərata ke təker dapa vaw tata, təker ana, e te pelek mesfen katar ka midakw.»

Yesu ka vahan, gege: «Daha ka sən jə masa Zlav a viya kad ndana. Asaya, daha ka sən nda magwaɗakaa: “Viyey yam ka say”, efes ma ta nəkafa sə, sesəker kaa. Ara nesey, a ta vakaa yam masa a və mesfeney.»

Yesu gege: «Jə ta manday aɗaw sə, meŋgə jə masa nda mezlərekiyey ta waya va mamaɗan mezlər masa aŋga ta vuwa.

Ŋgwaz ana, ka gwaɗa, gege: «Bay Mazlakava, jə ta mataɗ yam ana varakaa aabay, ɓaandaw ana maa, kweleleŋleŋ. Naa, ke te ŋgetek yam masa a və mesfeney sə, dama?

Ŋgwaz ana, ka gwaɗa, gege: «Ya səniya, Mesi sə, e te dekey, nda masa aca zaliya Kəristi. Daha ka dakata cay sə, a ta ŋguzdandan jene hay fakwanay.» Yesu ka gwaɗa, gege: «Kəristi sə, yey nda magwaɗakaa nesey.»

«Medekey, mawala! Ya ka ŋgat ndana ɓa masa ke gweɗiyey da yaŋ jene hay masa ya ta ŋgiya fakwanay. Gəla aŋga Kəristi sə, kwa!»