Popular Bible Verses from Zaŋ 19

Share

Masa Yesu a caka wuzam ana kwakwiyaŋ sə, ke gweɗ, gege: «Jene hay fakwan mandəva cay.» Ava dəɓa ana, ka jəkwaɗ yaŋ kad fa vara, ka məcata.

Ava dəɓa ana, Yesu a səniya, jene hay fakwanay mandəva cay. Ke gweɗ, gege: «Yam e kəɗiyey.» Ara nesey, afa jə masa mavinda sə, da ŋgata.

Masa Yesu a wala mamaŋ va nda masasəraka jene masa a waya elehey da cak tata sə, a gwaɗa mamaŋ, gege: «Mma, wala wudiyak kana.» Ava dəɓa ana, a gwaɗa nda masasəraka jene, gege: «Wala mmakw kana.» Dəga ta pəsaŋga ana, nda masasəraka jene sə, ka kəsaw kad way tata.

Mahusa tec fa Yesu sə, aca ŋgatafa ka məcata cay, ac ka paslan sek hay ɓasabay. Amaa nda amta deveŋ kafaraŋ hay, ndap! A zləliya ava zekw pa ŋgalak. A faŋga a faŋga ana, bembez va yam ke ceceɗek dapa vaw tata kad a vəda.

Yaw, jeŋ ana e dek fakwan ara nesey sə, afa a da ŋgata ara Ma mavinda dapa ɗelewer mavəna zleezle te gweɗ, gege: «Kwa slaslar amta deveŋ slaslar tata hay sə, ac ta paslan aabay.» Mavinda dapa slam mekele saya, ke gweɗ, gege: «Ac ta wala nda masa ac ta zləliya ana.»

Yesu sə, ka zaɓ hap mazləlawa tata, ke də kad a vəda dapa berne, a husa pa slam mezel taɓa ta yaŋ ava ma te Ebəre sə, Gwalgata.

Kafaraŋ hay ac ka slaslap mətak hay, ac ka pan pa yaŋ, ara aŋga bay. Asaya, ac ka pana rəkwat ta bay hay gagaza ana fa vaw.