Popular Bible Verses from Mezlər ta Maslaŋ hay 2

Share

Piyer ke vehecen, gege: «Maŋgwada rav takwar, a lada kwa waawa takwar da yah meŋgə beetem eve mezel te Yesu Kəristi mafay ta mapal mebər tata hay va maŋgat Mesfen Mavəna.

Cəɗem cəɗem makəsparav hay aca cak zləmay fe mesesərek ta maslaŋ hay ava rav pal amta. Ac manjaha ara wudeh ta nda amta. Kwa dapa mavan jene ta manday ta masənafa maməc te Yesu va dapa macə mbahw kad Zlavay sə, ac fa slam ana.

Ac fakwanay, ec ke nəhec eve Mesfen Mavəna, ec ke gweɗey ava ma ta wunam hay mekele mekele masa aca səniya bay ara masa Mesfen Mavəna te vec gədaŋ te megweɗey.

Faŋga faŋga ana, ac ka cəna jene e ŋgek da baymaləvaŋ ara memeɗ masa e bebər elehey. Jeŋ ana, ka nəha way masa ac manjaha dapa. Ac ka wala jene ɓa ara neneŋ ta kwakwaw te gəɗey, ka vəna yaŋ, ka njah a yaŋ eceŋ ana amta amta teceŋ fakwanay. Ac fakwanay, ec ke nəhec eve Mesfen Mavəna, ec ke gweɗey ava ma ta wunam hay mekele mekele masa aca səniya bay ara masa Mesfen Mavəna te vec gədaŋ te megweɗey.

Fa pas fa pas, aca cam vaw fa slam ana dapa Way ta kwakwas ava rav amta. Aca ndə ɗaf fa slam ana da way tec hay eve mewesley va ava rav mambəla ana. Ac fakwanay, ac ka hahəm Zlavay fa slam ana. Ndana hay fakwanay ec ke hehəmec mabay. Cəɗem cəɗem Bay Zlavay e zelekec ndah masa ec ke mbəlekec dapa mebər teceŋ kad e veŋ macam yaŋ ta ndah tata.

«Zlav ke gweɗ, gege: “Mbala pas te memeɗ ta vavara sə, ye te vec Mesfeney aɗaw kad ndana hay fakwanay. Dapa ŋgesey ana, wudeh mawula hay va dehwey, ec te tərec ka ndah mehwedek ma aɗaw hay. Kad wudeh gawla hay sə, ye te ŋguzdec jene hay waya masa ya ta ŋgiya. Marndaw hay deveŋ akwar may, meshwen e te kəɗeceŋ afa aca ra wala jeŋ ana.

Makəsparav hay fakwanay ac macama fa slam ana, aca vən jə masa ac ava aŋga sə, fa vaw teceŋ Ara megweɗey, ac ka husamda ley tec hay va jene tec hay, aca vən səlay ana fa slam ana. Kwa waawa ka ŋgat jə masa aŋga ta waya ava səlay ana masa da husana.

Ara nesey, kwa waawa mazala mezel ta Bay Mazlakava ke te jəney sə, a ta mbəlata.”»

Pas e te weɗ ɓasabay, kiya a ta ŋgwadata gagaza ana ara bembez. Ava dəɓa ana, Bay Mazlakava e te vehekey ke te təɗec ma a yaŋ ndana hay. Ta pəsaŋga ana ŋgesey, ndana hay ac ta wala gədaŋ tata ac ta səniya pas ana ŋgesey sə, a fəna dərziya hay.