Popular Bible Verses from A Vuhuna 49

Share

A kodo-hariki i tabuli na limamu, bara o matakari vakaroro, i harena na tahuna o bele na tanga e Silo, o matakari e huriki ala kupo.

“E Iosep i manga a kai a vain i pesi tabukoi na lomu, i kupo a kanena. A rahana i kupo i rako rike na nure. E huriki ri vaubi na kiniperi ri gao hateka, bara ri valili ia ri vaubi turana.

Pali bara i nugu tata torea a kiniperi vona, a vuhuna a limana i vaga hateka, na nitora na Vure Tuhaka Hateka ne Iakop, a Matakari, a Kedo ne Israel. A Vure Tuhaka ne tamamu ge matakari ge gamai ioe. Bara i rudu vilia vomu na hunu a vala, i rata a naru ri gi bele kupo na malala; i rata e huriki a ngatavine na kabu vomu ri vakabele a koma i kupo.

“O Iuda, e huriki a turamu bara ri kavurike rike a ramu. Ioe bara o hori a lohone huriki a pile vomu. E huriki a turamu bara ri lolu puru na matamu. O Iuda, ioe o manga a tuna laion, i lakavu a kania, i hamule na murina, i mahita i po a kanimatana. I uka a viri ge kinikoi ia.

“O Reuben, ioe a tabua nau. A vakabele ioe na tahuna a riau, a tuhaka vona. O tero o gao hateka ne huriki e tugu. Pali ioe a raha. Ngane i uka ma go muga tabu, a vuhuna o mahita turane girihigu tara, o rata halea a kiri nau i katoki.