Popular Bible Verses from A Vuhuna 39

Share

E BAKOVI DAGI i matakaria e Iosep, i leho kamumu kunana na ruma e Potipar.

E Potipar i ule lakea lobo ne Iosep a maki lobo i matakari. Na tahuna e Iosep i matakari a ruma ne Potipar, e Potipar i uka ma i luhoi lege vona tara maki. A maki i luhoi kunanea, a kinani. E Iosep i mata kamumu, i koru labeka.

Lakea a tagari na bavi i rua e Iosep i matakari e huriki lobo na bavi, turana a leho lobo ni rata pololilo.

Lakea e Potipar i ru dilia na bavi e Iosep, na hini ni ru vona e huriki ri longotaro a nita na hariki. Pali na tahuna e Iosep i made na bavi, e BAKOVI DAGI i matakaria, i ratea a matakari na bavi i ngarua.

I polo a parava ranga, e girihine Potipar i masia, i masigoroa, i takia, “O valai, o mahita turagu.” Pali e Iosep i marikoi, lakea i takia, “Iau a matakari vona a hini nga. E girihimu i habi na limagu a maki lobo na ruma. I uka ma i luhoi lege vona tara maki. I uka a viri ge matakaria a ruma, iau kunana a matakaria. E girihimu i uka ma i hatekakaria nau tara maki. Ioe kunana i hatekakari iau vomu, a vuhuna ioe e girihina. Ga rata a naro hale navai na matana Vure?”

Na parava tara i dili na ruma e Iosep ge rata a leho vona. E huriki a vora na ruma, i uka ma ria pololilo. Lakea a ngatavine i tangotatea na varakia vona e Iosep, i takia, “O valai o mahita turagu.” Pali e Iosep i pe purua na limana ngatavine a varakia vona, i ha tala na ruma ia.