Popular Bible Verses from A Nimariu 32

Share

E Moses i made tabaka hateka na lolo, i uka ma i malaviriri ni puru valai. Lakea e huriki ri pesi halui e Aron ri takia, “I uka ma si lohoka vona a ra maki i bele ne Moses meli na lolo. I tuli tala hita o Egipto, i taparaki valai hita koea. Pali ngane si gi rata ranga vure, ri gi muga ri gi vakasiri a dala ne hita.”

Lakea e BAKOVI DAGI i takia e Moses, “O puru malaviriri. E huriki o tuli tala o Egipto ri rata hateka a naro hale. Ri longokaburungia a dala a takia ne ria ri gi ramaia. Ri ratea na gol a tuna bulmakau, ri kavurikea, ri habi a nihabi vona. Lakea ri ta maea, ‘Ra maki iea a vure ne hita, i tuli tala hita o Egipto, i taparaki valai hita koea.’”

Na tahuna e Aron i masia, i ratea a dede tabukoi vona. Lakea i ta maea, “Kuduvi si gi ratea tara habu, si gi kavurikea e BAKOVI DAGI.” Na hatelanga pokopoko na parava muri, e huriki ri bole valai a maka sipsip a bulmakau, ge a nihabi gutu-vuro. Ri bole valai tabu a nihabi na nivalemu. Muri ri kani, ri ninu, ri rehi turane huriki a ngatavine.

Na parava muri e Moses i taki e huriki, “Ra naro hale mu ratea i hale hateka. Pali ngane ga sike tabu na lolo, ga takia e BAKOVI DAGI, ge puga vuroki a naro hale ne mua.”