Popular Bible Verses from Luka 9

Share

Nave aallota wa attheenaayo wi, “Muthu aapaallaka okithwara iikhoote yeekhaaye, atukhulle mutandaaye nllapo ni nllapo nave akithwareke miyaano.

Vawi muthu aapaallaka ovullusa okumaaye, eneerowutathilla nave atathilla okumaaye kaambiiwa annakithwara miyaano, aneerewuuvullusa.

Koma Yesu aallota wi, “Khaavo muthu anallima awehaka mutulli anaphwanella mu omwene wa Mulluku.”

Muthu anaapindulevo tini aakhella ellapo yavatthi ettheene atathilla apaalle woononga okumaaye?

Muthu aawulliwaka muru ekaamba ya miyaano ni mawaaka vano mi Mwaana a Muthu kineerowulliwa muru ni olliye kaawaaka mu ntitimiho naka ni ntitimiho na Attiitthaaka ni angelo aweella.

Yesu aallota wi, “Akhatwe aakhalla ni milliha ddiwa navettho epallame ddookhalla ni emphuru ddiwa koma mi, Mwaana a Muthu, nginna naari voohameella murwaaka.”

Allota wi, “Nave muthu anamwaakhella mwaanoolla ekaamba ya miyaano, anakaakhella miyaano. Nave oyo anakaakhella miyaano, anamwaakhella oyo akirumalle miyaano. Vawi oyo ari mung'onong'ono mwa attheenenyu yooyo sika muullupalli.”