Popular Bible Verses from Yohane 14

Share

“Kinuuhiyerani nyuwaano murendelle; murendellaaka kinuuvaheemini. Nginuuvahani nyuwaano wonanko mmo ellapo yavatthi enavahelliiwa. Sika muhikhupanyeke navettho muhooveke.

Yesu aamwaakhulla wi, “Mi tti ettilla, yawoona ni okumi. Khaavo muthu anawa wa Attiitthaaka woohiweella mwa miyaano.

Yesu ahaalleella oohudderaaye wi, “Muhikhupanyeke, mukhulupilileni Mulluku, kikhullupililenittho miyaano.

Ookavihera, Munepa Waweella, oyo Attiitthaaka enaamurumiiwa mu nnddina naka, aneerewuuhuddihani erive ello ni owuupusani ddeko ddittheddene kuulleelleemini.

“Ayo enaakhullella malamulwaaka ni waathwara, sika enakikonda miyaano. Attiitthaaka eneerewaakonda ayo enakikonda miyaano. Nameenettho kineerewaakonda yaayo ni odduupullulla meekhaaka wa alliwaayo.”

Miyaano kineerewaaveka Attiitthaaka nave eneerewuuvahani nyuwaano Ookavihera mmodda oyo anaakhalle ni nyuwaano wa enthawi yoohimalla. Yoolla tti Munepa a yawoona. Ellapo yavatthi khewora omwaakhella kaambiiwa athu a mu ellapo yavatthi khenamoona apaalle omudduwella. Koma nyuwaano munnamudduwella kaambiiwa ari ni nyuwaano nave anakhalla mwa nyuwaano.

Nave erive ello munaavekekeenyu mu nnddina naka kineereweera sika wi ntitimiho na Attiitthaaka nineerewooneya mwa miyaano, Mwaana. Mwakiveka erive ello mu nnddina naka, kineereweera.

“Mwaakikondaka miyaano muneerothwara malamulwaaka.

Mpa mwa Attiitthaaka mookhalla ezipinda ddinchichi nave kinaya wawuukhozerani nipuro. Ddahaariki ddiiddo keerewuulleellani.

Nave kuukhozerani nipuronno, kineerohokollowa wi kuukuseni nithaanane wi mwakhalle nko kinaakhalleemi.

Tomasi aallota ni olliyooyo wi, “Apwiya, khannadduwella nko munayeenyu. Vano ninaadduwelle mwawiidde ettilla yoophiyera wenko?”