Popular Bible Verses from Mateus 5

Share

Hiyrun-koxa hikeklu yineru lamparina nikotatshri hachhaji hpuko hitakanro. Seyni halikaka lamparina hitajikowaka tutakka, ptowru yineru walepji hajene hapkathojixyawakapa tnikotle tshinanu. Waneko pixka hixanu hixa, hiwejinri katalu pixka rixanu ptowru yineru yehiya rexyawakapluna hixa hkamrure kihleru, rimalwuxyawakapluna Hiru tenhohne hajeru.

— Hixa xye tshiji katale pixkalunhi. Poktshi teno mriji hwatshri hi himukata yohimletka. Waneko pixka hix-hixa katalu pixkalunhi, hixa hi himukata yohimameroletka.

— Poyikowatatshinni powra hchinikanurune klu tshinanu retanruna Hoyakalu wale yehiya.

— Poyikowatatshinni Hoyakalu halujyawaka hijhapotutatshine natshitatshine hiyrunu honnuhatewatatshine pixka klu tshinanu jinanurune pixkalunepni Hoyakalu tshinanu.

Seyni hita wan-tshinyi: Hichinikanna hkamnitjene. Hanjihohneyehitanna hsaletjene.

— Poyikowatatshinni hike mwikane riwejinri tshinanu, klu tshinanu tenhohne pohirewaxyawaka wannanutkani.

— Poyikowatatshinni jejine himat-hiykokakatshine kihle hwachlu rixkakna klu tshinanu wanna Hoyakalu whenene htshinkona.

— Poyikowatatshinni xye hohne wamonuwatatshine Hoyakalu tshinanu poyikotahchinikanutshinepa.

— Poyikowatatshinni salewnatshine Hoyakalu halukanru hkamhiywaka tshinanna klu tshinanu tenhohne pohirewaxyawaka wannanutkani.

— Poyikowatatshinni jetwamonuklerune klu tshinanu Hoyakalu hetwamonutanna wanna.

— Poyikowatatshinephi hixa, pimrine hapaxiniklunhi, ho pimrine saletkajiniklunhi ho hma mixyawakanu hweyawyehixiniklunna, nomkahitjene hixyawaka tshinanu. Waneko pixka rix-salewnaletnina mitshikawa hiwekakanatatshinni Hoyakalu tokanu hinkakletatshinni. Hpoyikowatanu, himuwatan-koxa klu tshinanu himlujikolu tsru potuko hyoptotanu Hoyakalu yehiya.

— Poyikowatatshinni mayohone klu tshinanu Hoyakalu henekanna xye tshijne psoluka.

— Hixa xye tshijne tuwre pixkalunhi. Seyni hma tuwrenuklunutka tuwu, kluneru tuwutkotnaka? Hike kihleyatkalu seyni ruknokachatkatka yine katsrexyawaklu.

Hiyáhoni potukalunephi, hixa hiru tenhohne hajeru pixka.

Seyni hehe ho hike htshinini, hi satu pa hixanu hyokajinri. Klu tshinanu pa hixanu hyokajinri kamtshi runya.

— Hixa jematkalu mitshikawluru pirana wla tshinatshri: “Yhaltshi, yhaltshikakluko. Yhitshi, yhitshikakluko.” Seyni wla ntshinhi hixa: Hi hapnutanru hkamnitjeru. Satu yineru himpakhojixinipyi, pa sreta hoji koxa pumpakjixachatanu.

Piyhale tshinanu pumtuwnini, poplikanru, puknokanru. Klu tshinanu pimane psojite pamtajini pot-kihleyi psol-maneko tshitshmero yehi hma muknojyawakanupa. Hiyrun-koxa pimyo tshinanu pumtuwnini, pkastakanru, puknokanru. Klu tshinanu kihle potlu pimane psojite pamtajini, psol-maneko tshitshmero yehi hma muknojikowakanupa.