Popular Bible Verses from Génesis 26

Share

Qam nagui ñaqai ñi'salec najo 'laua. Ca' ỹim iỹaatac qami' chaqai yqouaquiraxaric, ma' qami' chaqai na qachaalaxai'pi saanem ma'le najo 'laua. Ca' sepacqajanchigui dá'maq ỹa'qaatec na'le queso qataa'i' Abraham.

Ca' ỹaatqajam 'xoic nqaishin ma'le ca qachaalaxai'pi 'ec ana huaqajñi quena piguim, ca' saanem ma'le ná'ogue najo 'laua. Chaqai ná'ogue na ỹoreta'oguit qomyipi quena 'laua 'ue ma'le ca la'maxa chicqochigui ma'le ca qachaalaxai'pi. Ma' so Abraham na'xaỹaxanchiua' ipacqajanchiguilo naua ilaataxanaxaco, ỹaqataxaco chaqai naua ỹapaxaguinataxanaxaco.

Ca' so Isaac eec qoỹoqo'tegue da taigue quiyi'maxare, ca lotqai ni'ỹa aso liỹa ni'ỹa. Ca' mashic tot qanco'uagui aso'maxare. Ca' ỹanegue leenaxat neuagaxa, ma' 'naaco': Nagui ñi qara'gaxala' ỹo'uet da qareuagaxa quena senqata'ñi quiyim ñqo'naxashiguim.

Hua'ño'yi, ca' ñi qara'gaxala' nachaxano' so'maxare. Ca 'naaco': Totaxan 'itegue da Egipto. Ñira'ño' cá'maq ỹim shicapi'ñi.

Co'na'le, ca' so Isaac no'xonshiguim aso lcopatoxonaxalate quiyi'maxare, ca' nqouagaxaina da leenaxat ñi qara'gaxala'. Ca naalec yi'maxare, ca' so lelaatqaipi ỹo'uet aso li'ỹa.