Popular Bible Verses from Genesis 39

Share

Ñatac TAYTA DIOS Joseta yanapaptinmi Potifarpa wasinćhu ima lulayninćhüpis sumä alli-allin caycula.

Chaynu captinmi Potifar lluy-lluyta Josepa maquinmanña ćhulaycul lulaycunapi nï imapis uculañachu, sinuꞌa micunallanpïtañamari. Ñatac Joseꞌa tuquish, allin müsum cacula.

Chaymi carsilpa puydï täpänin lluy wićhaläcunäta Josepa maquinman ćhulaycula. Jinaptinmi Jose lluy imactapis licaycüca, lulaycüca cala.

Chaymi Joseta chalalcachil mandacü Faraonpa prïsuncuna wićhaläśhancäman wićhächila. Chayćhümi Jose wićhaläla. Ñatac TAYTA DIOSMI Josewan cayal carsilpa puydï täpäninwanpis allinpä licaycachila.

Chaymi juc timpupïta patrunnin Potifarpa walmin Joseta munapälul: “Puñuycuśhun” nin. Ñatac Joseꞌa manam munalachu. Chaymi: “Wayapayquim yaꞌaman chalapacamayninwan lluy ima cänintapis maquïman ćhulaycaman. Cay wasićhu lluy ima cänintapis maquïman uycamaptinmi munaylläćhu lulaycunäpä imapis cayan. Amtañatacmi cay wasićhu walmin caśhayqui-laycu nï maquïman ćhulaycamälachu. ¿Imanuypatá cay jatun juchacta Tayta Diospa ñawpäninćhu lulayäman?” nin.

Juc muyunćhüñatacmi jucnin cuartuman Jose lulanancäta lulä yaycuptin mana pipis chay wasićhu capäculachu. Chaymi Potifarpa walmin Joseta müdananpi chalacuycul: “Canan puñuśhun” nicuyan. Chaynu walmica chalacuycuptinmi Joseñatac müdananta lluśhtiycul ayicun.