Popular Bible Verses from Genesis 32

Share

Chaymi wayapaca: “Manañam Jacobchu śhutiqui canꞌa. Sinuꞌa Israelñam, TAYTA DIOSWANPIS nunacunäwanpis supayapachinacuśhayquićhu llallishayquipïta” nin.

Chayćhümi chay wayapa: “Achicacalpuyanñam caćhaycamayña licunäpä” nin. Niptinmi Jacob: “Manam caćhaycuśhayquichu allin caycunäpä mana niycamaptiquiꞌa” nin.

Chayćhu Jacob japallan quïdacuyculmi achicänancama juc wayapawan supayapachinaculcäla.

Chayćhümi Jacob nin: “TAYTA DIOSTA ñawïwan licayalpis cawsaycülämi” nil chay paräjicta Peniel śhutiwan śhutichäla.

Chay wayapa mana atipaculculmi Jacobta llillïninćhu yataycüla. Jinaptinmi supayapachinacuyäśhanćhu Jacobpa caćhpan müsïlun.

Niptinmi wayapaca: “¿Imam śhutiqui?” nin. Niptinmi: “Jacobmi” nin.

Niptinmi Jacob: “Ampá ¿imam śhutiqui?” nin. Niptinmi: “Imapämi śhutïta tapumanqui” nin. Nilcul-pachallam allin caycunanpä chayćhu niycula.

Yaꞌa nunallayqui jatun llaquipayniquita chalapacuna cayniquita ćhasquiycunäpänüchu manam callá. Cay Jordan mayucta garutilläwanmi chinpalá; cananñatacmi ishcay partiman laquïsha cäniyüña caycullá.

Chaynu Jacob llillïninćhu yataycuśha captinmi canancamapis Israel caśhtacunaca llillïninćhu cäcunätá mana micapäcunchu.

Chaypïtam Jacob Tayta Diosta mañacula: “Papäní Abrahampa Isaacpa TAYTA DIOSNIN ‘aylluyquicunap malcanman cuticuy, yanapaycuśhayquim’ nimälanquim.

Cananꞌari mayurní Esaupa maquinpi lluptiycachillämay. Śhaycamul lluy walmïta wawintinta wañuchinanpïmi manchacullá.