Popular Bible Verses from Genesis 17

Share

Ñatac Abram isun ćhunca isunniyu (99) watanta liyaptinmi TAYTA DIOS licalilcamul nin: “Yaꞌami sumä munayniyu Tayta Dios cá, munaśhämannu allincällaćhu sumäpa cawsaycuy.

Caynu achca nasyuncunap taytan caśhayquipïmi Abram nishañachu mana canqui, sinuꞌa Abraham nishañam.

Cay limalicuśhäca ampäwan milayniquipämi wiña-wiñaypä canꞌa. Yaꞌami Tayta Diosniqui ampäpis lluy milayniquipäpis caśhä.

“Anman limalicuśhäca caymi: Achca-achca nasyuncunap taytanmi canqui.

Niptinmi Tayta Dios nin: “Quiquin walmiqui Saraćhümi chuliqui canꞌa. Paytam Isaacwan śhutichanqui. Paywanmi limalicuynïta tacyalpachishä; jinaman lluy milaynintinpäpis wiña-wiñaypämi caycunꞌa.

Cay pulishayquïtawan jinantin Canaan allpätam amtapis lluy milayniquicunactapis wiña-wiñaypä uycuśhä. Yaꞌañatacmi Tayta Diosnin caśhä” nin.

Niptinmi pampäman cäranpis ćhänancama unꞌulaycuyäśhanćhu Abraham śhunꞌullanćhu asicülun: “¿Paćhac (100) watactaña liyaptí imanuypam chulí cälunman? ¿Maynümi isun ćhunca (90) watantaña liyal walmí Sarapis patayu licalïlunman?” nil.

Chaynütacmi Abrahamta Tayta Dios nin: “Walmiqui manañam Sarai nishañachu canꞌa, sinuꞌa Sara nishañam canꞌa.

Siñalachiculcanqui umri cayniquićhu utachanta uchuyllacta cuchuyculmá. Caymi amwan limalicuśhäta camalachinꞌa.

Limalicuynïtañatacmi ichá Isaacwan lulaycuśhä; walmiqui Sara śhamü wata canan muyunćhünu ishyacunancäwanmari” nil.

Näsishanpi pusä muyunta liyaptinmi lluy walaśh iñachacunaca unanchaycuśha capäcunꞌa. Caynu lulapäcunqui lluy milayniquicunawanmari, chaynütac wasiquićhu juc caśhta uywayniquicunawanpis, illaywan lantishayquicunäwanpis. Lluymi, wasiquićhu näsi ütac lantïsha uywayniquicunapis siñalachicüśha canꞌa. Chaynüpam aychayquićhu wiña-wiñaypä limalicuyní mana chincaycü camalaycunꞌa.