Popular Bible Verses from Exodo 20

Share

“Egiptop maquinćhu uyway nuna caśhayquipïta yaꞌa TAYTA DIOSNIQUIM julaycälimulac. Yaꞌapïtá amam juc taytachacunactá uywapäcunquichu.

“Amam imaman lichcä taytachacunacta lulapäcunquichu; nï janay pachäćhu, nï cay pachäćhu, nï allpa lulićhu, nï yacu lulićhu cäcunäman lichcätapis. Amam taytachacunaman unꞌulaycälinquipischu nï alawaycälinquipischu. Yaꞌa TAYTA DIOSNIQUI silüsum cacullá. Chaymi mana uyalicuycul lulayta ćhapäcunätá mućhuycachishä chulincunaćhüpis, willcancunaćhüpis, chulinpa willcancunaćhüpis.

“TAYTA DIOSNIQUI cay allpäćhu allin cawsayta achca wata uycuśhunayquipä taytayqui mamayquita allinpä licaycuy.

“Amatacmi unꞌapäcunquichu jamana muyunca yaꞌapä japächäśha muyun caśhanta.

“Amatacmi TAYTA DIOSNIQUIP śhutintá yanꞌal mana allinpä licayalcächinquichu. Śhutïta yanꞌal limäcunätá allinpachu manamá licaycuśhä.

Süta muyuncäćhümi lluy ima lulayniquicunactapis lulaycunqui. Anćhish muyuncäñatacmi ichá TAYTA DIOSNIQUIPä japächäśha muyun cayan. Chay muyun amam ima lulayniquitapis lulanquichu, nï walaśh wamla chuliquicunapis, nï uyway nunayquicunapis, nï uywayquicunapis, nïtac juc caśhta wasiquićhu jamapacücäpis lulanꞌachu.

“Amam nuna-masiquip wasinpi, walminpi, uyway nunanpi, wäcanpi, aśhnunpi, nï imallanpïpis wañupacuyanquichu” nilmi Tayta Dios camachila.

“Amam nuna-masiquita yanꞌal tumpanquichu.

“Amam mansibacunquichu.

“Amam mayantapis wañuchinquichu.

“Amam suwacunquichu.