Popular Bible Verses from Matiə 24

Share

Baraabaa á la yii-n nə die toɛ, min gigiã a kɔn-narɛɛ kiɛɛrɛ kɔ. Sɛnɛ, bɛ̀ min mɛn si a ganaa yǎa a woo kaa a giala-nyɔmiɛ̃ lɛ, bɛa dɛnaa á die kirisibiɛ.

Boo Tii Kɔɔ̃n kɛ á die n pii kanaa paǹ tumaa nɛ, màn mɛn bɛ́ toɛ, Lawa bɛ́ a kanaa dii a wɔ ma nɛ ǹ lɛ-dia mɛn we, tɔrɔ tumaa bɛ ma. Bɛ kio kanaa tɔn nya.

Ka á re miɛ mà zia tá kunu hinlaa, mà a tá sɔsɔɔ ka ganaa. Ka baran toa bɛ nyɛ́ɛ da ka ganaa wa. Bɛ doamaa nɛ a n zɛnaa, sɛnɛ, kanaa a nya bie ka bɛ-n bɔrɔ wa.

A giala tɔrɔn tá re zia biɛ tɔrɔ kɔsɔn ganaa, gánan tá re zia biɛ gána kɔsɔn ganaa. Bǎã gigiã nɛ, bòo á re we, tán tá re bìn diɛ. Bɛ din tumaa ná a giala kɔ ǹ gɔn lɛa, ka lɔ a nɔɔ̀rɔ kɔ ǹ gɔn bɛ́ lɔn.

Lon laanka tán tá re kiɛ̃, sɛnɛ, masɛ a boon kɛn ba re kiɛ̃ wa, maǹ goɛ̃ yǎa duduu.

Min gigiã á re die ka masɛ tɔ nɛ ǹ pɛ: «Wɔsɛn man Minin Nyin-sili lɛ lɛa!» Ǹ tá re min gigiã yiri siɛ̃.

Bɛa biikoo li, kaa zɔ́ɔn tá re ka koe tɔrɔ kɔsɔn la ǹ fuu nyaa ka yii ni, ǹ tá re ka dii ka gã. Ka tìĩ á re boe min tumaa nyin ni masɛ tɔ a lɛa. Bɛa biikoo li, min gigiã á re golee Lawa li toɛ walan. Ka dinin tá re kɔn biɛ zɔ́ɔ, ka kɔn kaa kanaa. Min gigiã á re n dinin biɛ Lawa a boo gii-dalin lɛa ǹ daa, ǹ tá re min gigiã yiri siɛ̃.

Yezu tɔ́n pɛ ǹ nɛ: – Ka n dinin kũ, ka baran toa min kɔ́n nə ka yiri sã wa.

Bɛ lɛ taman yii, ka dɔn nə n yii dɔraa, a giala, ka yiri bɛ́ a ba biikoo mɛn li wa, Min a Nɛgiĩ n die die bɛa biikoo lɛ li.

Bɛ lɛ taman yii, ka n yii toa koo, a giala ka ba kaa Dɛnaa a daa pinaa doɛ̃ wa.

Sɛnɛ, min kɔ́n ba Min a Nɛgiĩ a daa pinaa laanka a lɛawaa doɛ̃ wa, haalɛ lon a dia dí-a wolen ba doɛ̃ wa, Lawa a Nɛgiĩ lɛ dɔ dinmaa ba doɛ̃ wa, yǎa Díi Lawa dinsɔɔ̃.

A giala, min tɛn tá re die a soɛ kuru mà asɛ n Minin Nyin-sili lɛ lɛa, min tɛn dɔ á re die a soɛ kuru, mà asɛ n Lawa a boo gii-dali lɛa: Ǹ tá re sii a kɔnboe dadaran laanka kaãbaa ǹ sii kakan zɛnɛɛ ǹ minin yiri sã nɛ, bɛ̀ maǹ boe la dinin, maǹ Lawa a yii gɔgɔɔ̃ wolen kɛn lɛn yiri siɛ̃.

A n baa lɔn Nowee a biikoo li, a n die n biɛ miɛ̃ Min a Nɛgiĩ a daa pinaa. A giala, mu gole lɛ laan bɛ̀ a da kanaa lɛ bii, minin man nə́ goã màn bibii, ǹ nə́ màn mimii, ǹ nə́ lɔn gɔgoɛ, ǹ nə́ ǹ nɛnyaanan koe giĩn la, yǎa Nowee a wɔ goo-n lɛ a pinaa. Ǹ nə n gɔ́ɔ̃ bii ka sii kɔ́n nɛ wa, yǎa mu gole lɛ daa, á ǹ yii goa á kiɛ̃ ǹ nɛ. A n die n biɛ miɛ̃ Min a Nɛgiĩ a daa pinaa dɔ nɛ.