Popular Bible Verses from Proverb 22

Share

Montre enn zanfan bon manier viv depi li tipti; li pou met sa an-pratik mem kan li finn vinn vie.

Mars avek limilite e respekte LESEGNER; lerla, to pou viv lontan e to pou gagn rises ek loner.

Enn bon repitasion meyer ki enn gran rises; loner vo plis ki lor ek larzan.

Pa rant kamarad ar dimounn ki sap lor kal brit-brit; pa frekant dimounn ki sofe pou enn wi, pou enn non

Bann dimounn ki ena bon leker pou gagn benediksion, parski zot partaz zot manze ar bann pov.

Dimounn intelizan trouv problem vini e li pran prekosion; bann ki pa reflesi fons drwat, e zot pey konsekans.

Dimounn ris dominn lor dimounn pov; bann anprinter vinn esklav bann kaser.

Ris ek pov ena enn kitsoz an-komin: LESEGNER finn kree toule-de.

Pa kokin enn pov zis parski li mizer; e pa kraz kikenn ki pena mwayin pou pran enn avoka. An-efe, LESEGNER pou pled pou li e pou konfiske to lavi, kouma to finn konfiske dibien enn malere.