Popular Bible Verses from Proverb 15

Share

Enn repons dou tengn lakoler; me enn parol brit provok laraz.

Respe pou LESEGNER fer gagn lasazes; limilite ouver laport loner.

Bann zoli parol amenn lavi; koze gra fer leker fermal.

San bon konsey, to proze kapote; boukou bon konseye fer to proze avanse.

Kan ena lazwa dan leker, pou ena sourir lor lalev; me kan leker fermal, lespri abat.

Lizie LESEGNER trouv partou; li obzerv seki bon ek seki move.

Preferab gagn tigit, me ena respe pou LESEGNER; ki gagn boukou avek enn ta traka.

Kan dimounn sof vit, dispit pran pouvwar; kan dimounn res kalm, lape gagn viktwar.

Bon dimounn reflesi avan reponn; me labous move dimounn koz zis parol lemal.