Popular Bible Verses from Mk 9

Share

Nejoki Yesu ninye, “Eji te nindim! Eidimayu imbaa pooki to loiruk.”

Nebuak nabo kata menye ina ayioni nejo, “Airuko, ore eneton eitu airuk taretokoki!”

Ore pee ejing atua aji, neikilikuan ilooiteng'eni lenyena too nkurrat aajoki, “Oo pee eitu kindim iyiook aataaarai ninye?” Nejoki, “Meararoyu ena pukunoto ti ae neme te nkomono ake.”

Sidai emunyan; kake amaa te nelau emunyan enkisukut enye, kaji eikoni pee eitokini aaisukutie? Enoto emunyan ti atua ate, nitonini te seriani intae maate.”

“Ore pooki ong'amu enkerai anaa ena te nkarna ai, nanu eng'amu; ore olaang'amu, neme nanu ake eng'amu kake ilo laairriwua.”

Esipa, ajoki intae, ore ake oloisho intae enkikompe e nkare entook te nkaraki naipotieki intae Kristo, nemeeta nchere pee etala olerrinyore lenye.

“Ore ake oloitapong'oo nabo e kuna kutiti naairuk nanu, enaikash te neenikini ninye osoit kitok oiutuutishoreki emurt, nenang'akini enaiposha.

Naa ti nikintapong'oo enkong'u ino, tukurtu; enaikash ti nijing enkitoria e Nkai iata enkong'u nabo alang ti nikinang'akini Gehanum iata inkonyek pokira are