Popular Bible Verses from MATAYO 24

Share

As dee/aanu iwa tlaáhh sla'aarír múk yaariír iri fák. Ala heé ba/ám a kudá' aa qiitl ay alhhe'eesaay.

Slám ya/abtór hho' ar waawuti'iimár Mungú ka alki/iit baraá yaamu sleémeerowo as iwa lamabu'uungw tleehhit dír xoordu sleémeerowo. Daqaní alhhe'eesaydá' in sangw hardah.»

Kuungá' kángw slaqwara' uqo axasá', nee tsimaahhír slaqwaraaro. Ala ma da'ayuutara', asma muruuwí gár kuwa hariím aqo in geerií hardah, ala alhhe'eesaydá' aa xayká.

Asma xooro i slaqwarár eér amór xoororqá'. Nee waawuti'iima i slaqwarár eér amór waawuti'iimár hatlá'. Slám giyeé ni tleér, nee yaamaá yaariire kunseeli ni ti'ít. Muruuwí sleémeero an iimu/úngw slahh'amu.»

Doori nee yaamu i waaraahhiyá', ala axweesante'eé' i baloó waarahhká.»

Asma múk yaariír ni hardah oo ti ateetiím ar umuueé', tawa kaahi, ‹Aníng a Kristo.› Inooín múk yaariír ku al/aay.

«Qoomaadae muu kuungá' nu sakii/ as slahh'amu kuwa sleera', nee tunduwa tsu/i. Kuungá' xoordu sleémeero nuri aahhiyá' as aníng. As adoorí múk yaariír haratlintaao gari máy, tiri kilooín sakikii/iyá' nee tiri kilooín ahhiitiyá'. Aaruusér yaariir ar lamuuse ni hardát, inooín múk yaariír ku al/aay.

Yesu iri oó', «Ti harmagahhe', hee munduwa al/aáy.

Gawaá adoorihe kuungá' ti amohhe'ese', asma qoomaadá' kuungá' ta haraxua'aaká, an qoomár Garmoó Hee niwa hardihi.»

«Gawaá adoorihe dalaaé', asma baalár Aakoohúng iwa hardihi a xua'aaká.

«Ala kángw siiwadá' nee baalaarós heé gu xuú' i kaahh, tam malaykér gawaá doori, tam Garma, aqo har Baabá kilós.

Asma kristo lama nee aaruusér lamuuseero ni ti'iitiyá' Inooín layu nee muruú waa/oo/amooro ngu tleehhiyá' as múk yaariír kuwa al/ayi, bir ya/aán tam mukdá' Mungú aa tsawaár sleeme.

Asma adoodá' qoomár Noawo aa tleehharuut, an adór bál hardahaamuú Garmoó Heewo tleehharuut sleeme. Asma qoomár tluwoó da/atén iwa tluwiiká, muu ina /ayín nee ina wahán, slám tana duuxuxún nee kina duxuút, tam ay baalaadá' Noa iwa baraá miringamoowí dáh. Gár taa tsaáhh i káhh daanduú tidá' aa tleehharuti ay qoomár ma'aay niwa wa/iyé', muu sleémeero nguri hayoohiyé'. Adoorí an adoodá' tleehharuut bál hardahamuú Garmoó Heewo.