Popular Bible Verses from MATAYO 13

Share

Nee kudá' aa paahh baraá hhapér hho', an slaqsoó múk axweesantadá' gaa axaas, nee gár i kat gari tsaáhh. Axweesantadá' baraá muner'ine iri laqwál, oo wák mamu ay tsiiru, nee kuqá' mamu mibeeri lahhoó', nee oo hatlá' mamu mibeeri tám.»

Nee kudá' aa paahh baraá laqaya', an slaqsoó múk axweesantadá' gaa axaas, ala daawitimér yaamu nee al/aymár daqaari'iima axweesantadá' gari tlíq, axweesantadá' iri laqwaliká.

Umuúqo heewo oo axweesantá waawuti'iima gaa axaas, nee gídaabárós birnga tsaahhiiká, kudá' tlaákw nin hardah, nee /aymuudá' taa baraá muunuú heéwi dahaás guri hingees. Kwí an kudá' aa paahh afaá loohi.

Nee kudá' aa paahh gawaá tla/u, an slaqsoó mukdá' axweesani gaa axaas, nee axweesantadá' kari ilaóh ar qwala/. Ala dee/árú ta kon i kaahh, nee deelór tawa hooti ka ureeká. Slahh'ámu binda ti'iít as axweesantadá', laqaá gusiisiingw, axweesantadá' kari máy.

«Slám waawuti'iimár doori a slaqás nee daqaari'iimár taa foól baraá qaymorka. Nee hee ngiwa ár, gari luú/, iri tláy ar qwala/, muruuwós kudá' sleémeero i kon dír do'o guri weeriís, qaymoodá' gari tlaáxw.»

Nee dahaasíngw hatlá' iri paáhh dír hhapér hho', iri laqwaál, oo wák tsiiru, nee oo wák mibeeri lahhoó', nee oo hatlá' mibeeri tám.

Mawaagáy sleémeero ay dír i uraaraya' nee dír qoomár bu'uungw ni xeer. Daqaní qoomár bu'uungo aníng mukdá' bu'uúm un baw, «Sla/a ala tu/aak, daqaní ka dinkwárií tsegá', nee ka kwahhá' baraá asla. Daqaní angaáno ku baraá meewér'eéní burumbudá'.› »