Popular Bible Verses from LUKA 17

Share

Yesu heedaádá' guri báy, «Sihhiít, tláw, haratlintaaoorók ugwa hungu/ús.»

Ala kuúng bura sadakuús sagaáwa faanqw baraá looár wake, nee bir naa kií/ amoorók sagaáwa faanqw, iwa kaahi, ‹Aga hhu'u'uúm,› kuúng gurtlaweek.»

Ala heé wák dir'ine ngiwa ár adór ira hunguú/, iri kií/ amór Yesu, i hara Mungú xirfayeemiis ar afór ur. Iri tumbarara'aát dír geeraá Yesu, guri sluufiís. Nee heedaádá' a heé tlahhoó múk Samaria.

Ti harmagahhe'.» «Heewók bira dakuús, gan'aaseek. Ala bira hhu'u'ún, gurtlaweek.

Aluuwo Yesu iri oó', «Kudá' mibaangw sleémeero kaa hhoohhooeesiikáhe? Kudá' gwaleél i amá?

Aako iri oó', «Bar haratlintaaór har qoomoó ilmoó haradaáli a koondá', a aleesleerá' /aantsírí kawa beera', ‹Quútl diirihe, ti hatltá eer baraá tlawi›, alók geera /aantsí nun iialooés.»

Umuúqo heewo oo slafiingós gu ba/amisár wa slaá' kilós alé, gu qwaarees, nee kudá' slafiingós gu qwaareés, gu ba/amis.

Yesu eeharuuseerós gari báy, «Muruú múk baraá tlakweemií gee/sliím in qo tawo deer, ala heedaádá' ngu huwahuúw, a tsaxwaawós. Heewí gár kus hhoó' a tlaa/ár xoosliingw kan tseek gawaá istós, nee kuri kwaahh baraá tláwtí alé, ta oo wák baraá kuká' ninakwe nguwa baraá tlakweemií gee/asli.

Adoodá' aa tleehharut deelór Noawo, an adoodá' tleehharuut bál deelór Garmoó Heewo. Asma qoomár de'emaá Noawo muu ina /ayín nee ina wahán, slám tana duuxuuxún nee kina duxuút, tam ay bál Noa iwa dáh baraá miringamo, nee tluwoó da/atén nay hardáh, mukdá' sleémeero guri hhaamiís.