Popular Bible Verses from IIMU/UUNGW 39

Share

Ala AAKOÓ MUNGÚ a dinkwa nee Yosefu, nee guri harmagagaáhh, tam Yosefu aa waasla'amuutiiká. Yosefu ina hoót baraá doó aakoowós Potifa, kuduú Misri.

Potifa umuúqo gaaro gari baraá dabaá Yosefu i qaás, tam inós gár tiwa sa daawitimiís i káhh, aqo har muruú /aymár i /ayi kilós. Yosefu a heé ló'wa hhoohhoó'.

Xuumusmoó doó tseegmo Yosefu guri slaá', guri qaás heé úr wa ale, oo muu sleémeero oo baraá doó tseegmór i dirií', gu ga/áw.

Potifa Yosefu guri óh, guri huúw baraá doó tseegmo, didá' waawutmo i mukós i tsegaagiti. Inós iri baraá doó tseegmór wa hoót. Ala tam baraá doó tseegmuuwo AAKOÓ MUNGÚ i dinkwa nee Yosefu, AAKOÓ MUNGÚ Yosefu guri tsuúq, tam geeraharusmooduú doó tsegma guri gurií baá/.

Alaá deelór niinawe harér Potifa Yosefu guri waatlakwés, guri beér, «Qwaláng a alqaataán.» Ala Yosefu iri sií', harér aakoowós gari báy, «Ga/aaweek, aakooeé' gár iwa daawimiti i káhh diirír do'o, inós daqaari'iimarós sleémeero ngaa aníng i saayín. Baraá do'wihe inós ku ureeká ta aninge, asma umuú gaaro ar aníng iwa /itín i káhh, aqo har kiíng as tawa hareerós. Gawaá adoorihe dakuúsár ur ar adór tisíng adór ngir tleehh dír geeraá Munguhe a adoomá?»

Looarka wake Yosefu iwa gadiyér áy adór /iisí i tlehhaahhiti, sagadiyuusér hatlá' baalaarihe i káhh dír do'o. Harér Potifa guri inqwaari ót, guri beér, «Qwaláng a alqaataán.» Ala Yosefu inqwaarirós gari geemáy gawaá dabaá harér Potifa, iri tsee/ií goów.