Popular Bible Verses from رُواْمَاوَا 4

Share

بَيْيِ شَكَّرْ أَلْڧَوَرِنْ اللَّهْ تَنُونَ رَشِنْ بَنْ‌غَسْكِيَابَ، عَمَّا يَڧَارَ ڧَرْڢِے ثِكِنْ بَنْ‌غَسْكِيَرْسَ، يَنَ طَوْكَكَ اللَّهْ؞ يَكُمَ كَسَنْثٜىٰ دَ ثِكَكّٜىٰنْ تَبَّثِ ثٜىٰوَ اللَّهْ يَنَدَ إِيكُواْ يَثِكَ أَلْڧَوَرِنْسَ؞

كَمَرْ يَدَّ يَكٜىٰ أَرُبُوثٜىٰ ثٜىٰوَ ‏«‏نَسَاكَ كَذَمَ عُبَنْ ڧَبِيلُ مَاسُيَوَ؞»‏ وَتُواْ، أَنْ تَبَّتَرْ دَ أَلْڧَوَرِنَّنْ؞ إِبْرَٰهِيمْ عُبَنْمُنٜىٰ أَغَبَنْ اللَّهْ وَنْدَ يَبَادَ غَسْكِيَ غَرٜىٰشِ، وَنْدَ كُمَ شِينٜىٰ مَيْ بَادَ رَيْ غَ مَتَتُّو؞ شِينٜىٰ كُمَ مَيْ إِيكُوانْ كِرَنْ أَبُبُوَنْ دَ بَسُ كَسَنْثٜىٰبَ سُكَسَنْثٜىٰ؞

سَبُواْدَ ذُنُبَنْمُنٜىٰ عَكَ بَادَ عِيسَىٰ غَ مُتُوَ، كُمَ أَنْتَادَشِ دَ رَيْ دُواْمِنْ مُسَامِ ذَمَ مَرَسَ لَيْڢِے أَغَبَنْ اللَّهْ؞

كُواْدَيَكٜىٰ سَا ذُوثِيَارْ إِبْرَٰهِيمْ تَذَمَ كَمَرْ عَبَنْظَنٜىٰ، دُكْدَهَكَ يَثِيغَبَدَ سَا ذُوثِيَا، يَنَ بَادَ غَسْكِيَ حَرْ يَذَمَ ‏«‏عُبَنْ ڧَبِيلُ مَاسُيَوَ؞»‏ وَنَّنْ كُوَ بِسَغَ أَلْڧَوَرِنْ دَ عَكَيِ مَسَ نٜىٰ، ثٜىٰوَ ‏«‏حَكَ ذُرِيَرْكَ ذَاسُيِيَوَ؞»‏

سَبُواْدَ حَكَ، عَكَنْ بَنْ‌غَسْكِيَ نٜىٰ أَلْڧَوَرِنَّنْ يَدُواْغَرَ؞ وَنَّنْ كُوَ دُواْمِنْ يَذَمَ بِسَغَ أَلْحٜىٰرِنْ اللَّهْ، دُواْمِنْ كُمَ عَتَبَّتَرْ دَشِ غَ دُكَنْ ذُرِيَرْ إِبْرَٰهِيمْ، وَتُواْ، بَ غَ وَطَنْدَ سُكٜىٰ ڧَرْڧَشِنْ كُواْيَرْوَرْ مُوسَٰى كَطَيْبَ، عَمَّا حَرْ غَ وَطَنْدَ سُكٜىٰ بَادَ غَسْكِيَ يَدَّ إِبْرَٰهِيمْ يَيِ؞ إِبْرَٰهِيمْ كُوَ شِينٜىٰ بَابَنْمُ دُكَ؞

‏«‏مَيْ أَلْبَرْكَنٜىٰ مُتُمِنْ دَ عَكَ غَاڢَرْتَا مَسَ ذُنُبَنْ غَنْ‌غَنْثِنْسَ، وَنْدَ عَكَ يَاڢٜىٰمَسَ ذُنُبَنْسَ؞ مَيْ أَلْبَرْكَنٜىٰ مُتُمِنْ دَ عُبَنْ‌غِجِ بَيْ لِسَّڢْتَا لَيْڢُواْڢِنْسَبَ؞»‏

رُبُوتَثِّيَرْ مَغَنَرْ اللَّهْ تَثٜىٰ ‏«‏سَبُواْدَ إِبْرَٰهِيمْ يَبَادَ غَسْكِيَ غَ اللَّهْ، سَيْ اللَّهْ يَلِسَّڢْتَا وَنَّنْ أَدَلْثِے نٜىٰ أَغَرٜىٰشِ؞»‏