Popular Bible Verses from Marko 16

Share

Egblɔ na wo be: “Miyi xexe blibo la me, eye miɖe gbeƒã Nyanyui la na dzɔdzɔme blibo la.

Dzesi siawo lava eme to ame siwo xɔe se la dzi: To nye ŋusẽ me woanyà gbɔgbɔ vɔ̃wo ado goe; woagblɔ gbe yeyewo. Woalé da, eye ne wono aɖi hã la, masi wo o. Woada asi ɖe dɔnɔwo dzi, eye woƒe lã me asẽ.”

Ame si ke xɔe se, eye wole mawutsi nɛ la, woaxɔe ɖe agbe, ke ame si mexɔe se o la, woabu fɔe.

Nusrɔ̃laawo yi ɖaɖe gbeƒã Nyanyui la le afi sia afi. Aƒetɔ la wɔ dɔ kpli wo, eye wòɖo kpe nya la dzi kple dzesi siwo va eme la.] [ 9 Nyɔnuawo yi ɖaka nya si wògblɔ na wo la ta na Petro kple ame siwo le egbɔ la enumake. 10 Esia megbe la, Yesu ŋutɔ to eƒe nusrɔ̃lawo dzi ɖe gbeƒã xɔxɔ mavɔ ƒe Nyanyui, nya kɔkɔe, si mate ŋu atsrɔ̃ o la, tso keke ɣedzeƒe yi ɖase ɖe ɣetoɖoƒe ke.]

Ɖekakpuia gblɔ na wo be: “Yesu Nazaretetɔ, ame si woklã ɖe ati ŋuti la dim miele. Etsi tsitre. Mele afi sia o; esia megawɔ mo yaa na mi o. Mikpɔ afi si wotsɔe mlɔ la ɖa.

Kpe la lolo ŋutɔ. Ke esi wofɔ ta dzi la, wokpɔ be womlii ɖa xoxo. Woge ɖe yɔdo la me. Tete wokpɔ ɖekakpui aɖe wòbɔbɔ nɔ anyi ɖe ɖusime le awu ʋlaya ɣi me. Ewɔ nuku na wo ŋutɔ.