Popular Bible Verses from Luka 3

Share

Azɔ esi Yohanes le mawutsi na amewo katã, eye wòlee na Yesu hã vɔ la, Yesu nɔ gbe dom ɖa. Tete dziƒo nu ʋu, eye Gbɔgbɔ Kɔkɔe la le ahɔnɛ ƒe nɔnɔme me ɖi ɖe Yesu dzi. Gbe ɖi tso dziƒo be: “Wòe nye vinye lɔlɔ̃a; mekpɔ ŋudzedze le ŋuwò.”

Yohanes ʋu eme na wo katã gblɔ be: “Nye la, tsie metsɔ le mawutsi lem na mi, ke ame si tri akɔ wum la gbɔna. Nyemedze atu eƒe afɔkpaka gɔ̃ hã o. Eya latsɔ Gbɔgbɔ Kɔkɔe kple dzo ale mawutsi na mi.

Azɔ la, miwɔ nu si fia be mietrɔ dzime tso miaƒe nuvɔ̃wo me. Miganɔ gbɔgblɔm na mia ɖokui be Abraham ye nye yewo tɔ́ o, elabe mele egblɔm na mi be Mawu ate ŋu ana viwo nado tso kpe siawo me na Abraham.

Fifi gɔ̃ hã la, wotsɔ fía ɖo atiwo ƒe ke dzi xoxo. Ati sia ati si metsea ku nyui o la, woatsoe, eye woatsɔe ade dzo me.”

Woŋlɔ ɖe Mawu ƒe gbeƒãɖela Yesaya ƒe agbalẽ me be: “Ame aɖe le ɣli dom le gbedadaƒo. Ebe, ‘Midzra Aƒetɔ la ƒe mɔa ɖo! Midzɔ eƒe afɔmɔwo. Woaku nu axe ʋe sia ʋe, eye woagbã to kple togbɛ ɖe sia ɖe ɖe anyi. Woadzɔ afi siwo glɔ̃ la, eye woawɔ teƒe tsakliwo woazrɔ̃. Amegbetɔƒome blibo la lakpɔ Mawu ƒe xɔxɔ la!’ ”