Popular Bible Verses from Luka 15

Share

Tete wòdze mɔ ɖo ta aƒe yina tɔ́a gbɔ. Esi wòle mɔ dzi ʋĩi gbɔna la, tɔ́a kpɔe. Eƒe nu wɔ nublanui nɛ, eye wòƒu du yi ɖakpla asi kɔ nɛ lɔlɔ̃tɔe heɖuɖɔ nu nɛ.

Elabe vinye sia ku eye wogagbɔ agbe; ebu, eye wogakpɔe.’ Ale wode asi dzidzɔkpɔkpɔ me.”

Mele egblɔm na mi be, nenema ke woakpɔ dzidzɔ le dziƒo le nuvɔ̃wɔla ɖeka si trɔ dzime la ta sãa, wu le ame dzɔdzɔe bla asieke vɔ asieke, siwo mehiã dzimetɔtrɔ o la tae.”

Matso ayi tɔ́nye gbɔ aɖagblɔ nɛ be, tɔ́nye, mewɔ nuvɔ̃ ɖe wò kple Mawu ŋu.

Ŋutsuvia gblɔ na tɔ́a be: ‘Tɔ́nye, mewɔ nuvɔ̃ ɖe wò kple Mawu ŋu. Nyemedze woagayɔm be viwò o.’

“Le kpɔɖeŋu me, ne alẽ alafa ɖeka le mia dometɔ aɖe si, eye wo dometɔ ɖeka bu la, ɖe megblẽa bla asieke vɔ asiekea ɖe gbea dzi, yina ɖadia esi bu la va se ɖe esime wòkpɔe oa?