Popular Bible Verses from Luka 11

Share

Ne mi, ame siwo nye ame vɔ̃ɖiwo gɔ̃ hã mienya ale si miana nu nyuiwo mia viwo la, ale ke gbegbe mia Tɔ́ si le dziƒo la mana Gbɔgbɔ Kɔkɔe ame siwo bianɛ la awu o mahã?”

“Eya ta mele egblɔm na mi be: Mibia, eye woana mi; midi, eye miakpɔe; miƒo ʋɔa, eye woaʋui na mi.

Elabe ame sia ame si bia nu la, wonanɛ; ame sia ame si di nu la, ekpɔnɛ, eye ame sia ame si ƒo ʋɔ la, woaʋui nɛ.

Yesu gblɔ na wo be: “Ne miele gbe dom ɖa la, migblɔ be: ‘Tɔ́, na wò ŋkɔ ŋuti nakɔ; wò fiaɖuɖu nava.

Tsɔ míaƒe nuvɔ̃wo ke mí, elabe míawo hã míetsɔawo kea ame sia ame si wɔ vɔ̃ ɖe mía ŋu la. Mèga ɖe mɔ be mia dze tetekpɔ me o.’ ”

Na míaƒe gbe sia gbe nuɖuɖu mí.

Wò ŋku le abe akaɖi ene na wò ameti blibo la. Ne wò ŋku nyo la, wò ameti blibo la me kɔ. Ke ne wò ŋkumenyo o la, wò ameti blibo la me ado viviti.

“Ame aɖeke mesia akaɖi dana ɖe ɣaɣlaƒe alo tsyɔa nu edzi o, ke edanɛ ɖe akaɖiti dzi boŋ bene wòaklẽ na ame siwo le xɔa me vam la.