Popular Bible Verses from Maku 12

Share

Yesu hakwakula nindi, Yabadikahu yoyakwila nawu, Eyi Isarela, tiyaku; MWANTA Nzambi yetu, MWANTA wudi wumu. Keŋaku MWANTA Nzambi yeyi namuchima weyi wejima, Nawumi weyi wejima, Namaaneyi ejima, Naŋovu jeyi jejima. Yamuchiyedi yoyakwila nawu, Keŋaku mukwenu neyi chiwadikeŋa eyi aweni. Kwosi nshimbi yakubadika ijuku.

Hakutambika atumbanji twindi, hakuyila nindi, Nukuyileja chalala nami, iwu mfwila kazweŋi nombilumu yakubadika ejima adi nakuumbila mali muchikasha; muloŋa wejima wawu anombilumu yakuyuma yawu yasweja kuvula; ilaŋa iwu mumbanda nombilumu yakuwuzweŋi windi yoyindi yejima yadiŋi yakudihandisha nachu.

Hakushakama kwatalaŋana nachikasha chakusha mali; hakutala izaza chidikuumbila mali muchikasha, amavulu adiŋi aheta ombililumu mali amavulu. Kwenjili kazweŋi, mfwila wamumbanda, hakuumbilamu tumali twanyanya tuyedi, kuyibomba ashika mukadali kamu.

Kumukeŋa namuchima wejima, nakashinshi kejima, naŋovu jejima, nakukeŋa mukwenu neyi chiwadikeŋa eyi aweni, chabadika nyilambu yakushita yamukuma, niyimuna yakuketula yejima.

Yesu hakuyila nindi, Yuma yaKesari inkenu Kesari; yuma yaNzambi inkenu Nzambi. Hiyakumuhayama nankashi.