Popular Bible Verses from Maku 10

Share

Muloŋa chalala chenjiliyi Mwana kaMuntu, halondeli nindi akamukalakeluku; nindi akakalakeli akwawu, akalambuli wumi windi wakukuula nachu antu amavulu.

Yesu hakuyitala nindi, Chuma chikukaŋanya muntu, Nzambi wukuchitwesha, muloŋa yuma yejima yinatwesheki kudi Nzambi.

Yesu hakumwila nindi, Yaŋa kweyi, kukuhwelela kweyi kunakukoleshi dehi. Hohenohu amona nikumona, hakumulondela Yesu munjila.

Dichi ánabombuwu kudi Nzambi, bayi ayambula kudi muntuku.

Yesu hakumushinshika, hakumukeŋa, hakumwila nindi, Kunashali chuma chimu hohu; yaŋa wakalandishi yuma yeyi yejima winki atuzweŋi, eyi wakaheta maheta mwiwulu; winzi wunlondelaŋa.

Yesu hakumwihula nindi, Wunakeŋi nikwilili chumanyi? Mputamesu nindi, Eyi Raboni, nakeŋi nimoni.

ilaŋa mukachi kenu bayi mwakekala chochochuku. Yowu wukukeŋa kwikala muneni mukachi kenu ekali mukwakuyikalakela.

Nukuyileja chalala nami, muntu wukubula kutambula wanta waNzambi neyi mwana wanyanya, hakwiŋilamu nihantuku.

Ilaŋa amavulu akusambila akekala akukuminina; niakukuminina akekala akusambila.

Kwinza kufuma kutachi kwaleŋeluwu yuma, Nzambi wayileŋeli niiyala nimumbanda. Dichi iyala ashiyi tata yindi namama yindi, Akakeli iŋodindi; Niwena ayedi akekali wumu; hiyadi cheŋi ayeduku, adi wumu.