Popular Bible Verses from Matiye 7

Share

«I o, ɓay hi də fe. I keɓ, ɓay hi də za'a. I tu' vun vari, ɓay sôwâ də ar vun vari zə ri.

Zə sa su daŋ' məni wə o, mum fe. Swə məni wə keɓ, bə rum za'a. Ɓay swə məni wə tu' vun vari, sôwâ ar vun vari zə bə rumu.

«Ndəna' ta', sa su daŋ' məni wə mun dan məni na wə in, ɓay wə gi dan rum, mum də ra' nji kə swə mə kə wa məni ɗam so um wa pra.

I gi kwa daŋ' zə sôwâ məsin, ce' ndə məni hi wə wa' i handay gi zə ri. Dan dlay Moyizə kə ɗerwa sum ka' dan ne vari ndəna'a.»

Ama vun vari mə kî kə vari mə kəcik wə də ri məni sôwâ də ke kə nyî mə də hâ wə han, ɓay sôwâ cep wə ta hana.»

«I ze vun vari mə kî! Zə vun vari mə bwi kə vari mə dan cik wə də ri məni sôwâ də vi' wə han, ɓay sôwâ juk wə ta hana.

Hi sôwâ mə bro', hi we vari kədan hi ne kwa mə ɓay ne kə daw mi. Ba mi mə wafray də ne kwa mə ɓay ne kə sôwâ məni wə um o pâ kwa məni hi wə gi nə si!

«I ɓok dan wa sôwâ məsin mi, kədan Ifray ɓok dan wa ri mi. Zə Ifray də ɓok dan wa ri ce' ndə məni hi wə ɓok dan wa sôwâ məsini. Ɓay kwa kənji' kwa məni hi wə kənji' kwa ne kə sôwâ məsin kə ndi, Ifray də kənji' mi ne kə ndi ta'a.

Ama sa su daŋ' məni wə mun dan məni na wə in, ɓay cu wə gi dan rum mi, mum də ra' nji kə swə mə dan wa məni ɗam so um wa nyetle.

Zə mi ha wə kar bubuɗ gu məni wə i vay ba wû ɓay ha cu gak we gu mə i ru mə su? Ha gak in ne kə vay ba wû: A ar nan tle bubuɗ gu məni wə i ru, kəri məni ha kə gu wə i ru ma su?

«I ji tu ri hay' sum ka' dan mə hay dana. Handay wə mbə hay' ri kə gi tu nday ce' ndə cime, ama wə vunduk nday handay dəghaw' mə kaw kwa. Hi də nday we kə sin ndaya. Swə cu ɓe vra' viŋə wa ŋây' mi, ko cu ɓe vra' tərum wa ŋây' usiya məta'a.

Gu mə ɓay wə vra' vra' mə ɓay, ama gu mə bro' wə vra' vra' mə bro'o.

Gu mə ɓay cu gak vra' vra' mə bro' mi, ɓay gu mə bro' cu gak vra' vra' mə ɓay məta'a.

Gu daŋ' məni cu vra' vra' mə ɓay mi, sôwâ də tum njay də ku.