Popular Bible Verses from Sini 1

Share

Ama hi də fe gbəgboŋ kəri məni Simbeɗ mə Kəleŋ də dam mbə wa ri, ɓay hi də faŋ sum in njeŋ dan wa rin wə so Jeruzalem, kə nya Zude kə Samari, ɓay hâ vun ndo' nya.»

Zezu ɗam vun ndaya: «Cu tap ni kədan hi we ri məni wə də mbə, ko bəka rum mi, zə Ba man kə məni par bəka rum kə gbəgboŋ umu.

Fəta məsin, kəri məni mum ɓa ri mə ɗaw kə nday, mum in dan məni nə ne ndaya: «I ar so Jeruzalem mi, ama i ji kwa məni Ba man kawvun wa rum kədan mum mi ne, kwane məni na in dan wa rum ne ni ɓa' si. Zə Zaŋ gi baptem ne kə sôwâ kə mbi, ama kofo bəka cep, hi də fe baptem kə Simbeɗ mə Kəleŋe.»

Kəki mar um, mum ta' tu rum ne nday kə vari cem cem kədan handay we i mum kəta' kə i kəki boni məni mum ce. Wə du bəka gufəɗi', mum mbə du nday ɓay in dan wa dan vari məni Ifray wə də suk jwə wa sôwâ um ne ndaya.

Kəki məni Zezu in dan rum, mum ur ta wafray, kəri məni handay wə um kar, dləmbur mbə kəmbo' num i ndaya.

Kəri məni handay wə kar ri də wafray wə ri məni Zezu pâ han, kəkor sar, sôwâ hoɓ ge mbraw mə ɓu mbə gay' həre' kə nday ɓay ci vun ndaya: «Hi sôwâ nya Galile, zə mi hi gay' kar ri də wafray su? Zezu, məni ur ta wafray, mum də faŋ gewa mbə ce' ndə məni hi we num 'ya də wafray ta'a.»