Popular Bible Verses from Milimo 1

Share

Ngoboni mukatambula ngovu, oho Moyo Wakuyela ukeza hahenu, kami mukenga bapaki bami mu Yelushalema na mu Yundeya nimwamo na mu Shamaliya na kwakumina litunga.”

Yeshu wambile kukwabo ngayi, “Kaliha shenga shenu kulimuka bikati hinge myaka oyo Tate anayaka mu ngovu zendi.

Oho Yeshu ekalile nabo wabatongwezele ngayi, “Hinga mufuma mu Yelushalema, ngoboni mutatilile shishemo akulupishile Tate, ngonehe namitongwezele. Yowano wazubilishile na mema, ngoboni oho matena amengi shilolo amane, enu mukazubilishiwa na Moyo Wakuyela.”

Munyima ya lufu lwendi Yeshu walimonekeshele kukwabo mu bikati byabingi mu zinzila zakumonekesha ngayi ulinakuyoya. Ha matena makumi anaa wamonekele mukati kabo hamba bya Wene wa Nyambi.

Oho Yeshu amanishile kwamba ebye, watwaliwile kuyilu hinga bamutilamina. Pe likumbi lyamuholekele.

Oho bantumwana bashili kunconcomeka kuyilu oho ayilenga, hohobene bantu babili bavwalile bivwalo bya kutuba bemanine ku nkumo yabo, pe bambile ngayi, “Enu bantu ba ku Ngalileya, shumangani munemanini na kutilamina kuyilu? Yeshu ou nafumu kukwenu kutwaliwa kuyilu ukaboka kami nehe munamumono haya kuyilu.”