Popular Bible Verses from Lukas 8

Share

Nsa mi a vù ntùm dù' tsha' mebwô là b'a benntùn tse bo ju' ntshob Nsi, ntshùb ntùm ntù mebwô mba ntù nenùne, nke njam ntàm ntùm nefènte là.

Nsa mi a vù dù' ngumndot là b'a benntùn tse bo ju' ntshob Nsi, là nelab wut, nu neghù tshu yàm se', mfam yub num manze, bo ke yam sàm tàm nà.

Ba num ndoṅ b'a ben tse bo num nkwé ntshob Nsi ntùm tsiaṅte ngelaṅ bo ju'u, là ke ghù nga tse, bamntù yub ze keta fam ngelaṅ metsit laṅte se' bo là.

A tshob bo ndù: Bamntù zin b'a yà? Bwôg tshùb yube, bo nyàmte yen nu là, nke ntshob bo bo ndù: Yen mèn ni b'a ndùke? A num ntô fetmbaṅ mba ntse, bo nke nju'ni yi.

Ba kaṅ manze b'a ben tse bo num nju' ntshob Nsi, là Satan se' be ndende nsô ntshob là ntùm ntù tshob ndù kà bo bam, ngù nse' njôg là.

Mo' ju ke' be z'a na' ndeme, mbe ndù a ke nsi tswite wul i là; mo' ju ke' be z'a na' mbe ntùm tsham, mbe ndù bo ke nsi lène, mbe ndù a ke nsi tum njù mbwôgtshù là.

Mènnzwi là lo be yen ndù a be a ke lemte wul i mvèle, nse' ngwù num nku Yésu, nsoṅ mbwe njoṅ benntùn fa, ju z'a lo ngù k'a nkwag i là, mba mat a lo ndo' njate yi be ndùse là. Là, a tshob yi ndù: Ngon àm, bamntù o yôg o, nèn fite.

Bo kù'te nse' mbaṅ i, mbam i, ntshob ndù: Tà, bag bi li! A bam, ntshobte fetmbaṅ mba fetntse, bo tsin, dù' tswe ndù kam.