Popular Bible Verses from Lukas 12

Share

Mba bin zin, bin be tswe, nke mbébe, nummbe Mén mèn nsi se' à num nyam ze bin ke' kwate ndù a' se' là.

Bin bwôgmbwe ndiag nda' nufen se, njoṅ tshen tshu là fa nsi se' bin njam bwe.

A bèn ntshob bo ndù: Bin bamnà, nzete num ze'te, nummbe yôg mènntùn ke' yé't'a num tshu tse, a be z'a ghù a yàm mba neyàm nà.

Nummbe dù' ze nkàb zin be là, mba ntù tsin bèn mb'a bwe.

We z'a netèt bin ndù a ku'ni nekwi'te mo' mfi' num ntsewul i njam nelab wul à?

A bèn ntshob ghazi'te nu i ndù: A b'a ju z'a ghù kà me tshob bin ndù: Kà bin lab wut tsin num yôg sine, num ju ze bin jù là, num ju ze bin ma' num bin nà.

Mbèn mbe, bo siaṅ njoṅ ntàn nyiaṅtu tsin fa, kà bin bwôg sàm ju, bin tanjoṅ ntshùa ntôgzin yàme.

Kà bwôg me metsit bwoṅ njùmbwe, nummbe Tà lo yen ndù a bwô nefà nufen se bin.

Bin lôte màla njene, bo ke' be ywit ke bèn ntsho'o, ke ghù nta mba kandà; mba ndùlala Nsi num nkém yube. Bin ke' tanjoṅ ntshùa bon nsaṅ ké?

Kà bin ke ndiag ju ze bin nsi jù là, mba ju ze bin nsi nu là; kà bin ghùtni wut tsin num tshen tshu là.

A be ze Nsi num ma' nzwe num yen nenà li, z'a be sènni, bo ma' i mbwôg ndamnjù là mb'a ke' ku'ni nema' nzwe mba num bin zin ké, ghabamntù metsili?

Mo' ju nelem ke' be z'a ke nsi tum njù mbwôgtshù là; mo' ju ke' bèn mbe ntùm tsham ze bo ke nsi lèn nà