Popular Bible Verses from Mk 14

Share

E nde a nga jô na: Abba, a Tat, ô ne ngule ya bo mam mese, bo'o na e kob nyuna é sa'ale ma ôyap. Ve da sake ane ma kômbô, ve ane womiene wo kômbô.

Momba'an, mi ye'elan, mi za ku *meve'ele été. Nsisim ô ne ôsesa; ve minsôn mi ne atek.

Ma bele fo'o ane ma jô mia na, e vôm ase ba ye kañete Mbamba Foé e si ése nyuna, e jam minga nyô a te bo di, ba ye fe kañete de, be simesa'ane nye.

Ane a nga jô be na: Olun ô bili ma, awu bebé. Lika'ane vana, mi mombô'ô.

Be ngenan be ja'a nalé, e nde a nga nyoñe fembé a botane je, a nga bek a ve be je, a jô'ô na: Nyoñan, nyôle jam nyô.

Ane fe a nga nyoñe *élaé a mane ve akéva a ve be, ane be nga nyu je bese. E nde a nga jô be na: Metyi mame ya élat e me ma, metyi ma sôé e si asu jama bôt.

Ane Yésus a nga jô be na: Mia bese, mia ye kolé ôbak, amu e ne ntilane na: Ma ye bibi mba'ale mintômba, a mintômba mia ye mane tyamelan, a bo ne miala-mialan.

Kôla'ane si, bi ke, mi lôô e môt a zu koñe ma a ntoo bebé.

E nde Yésus a nga jô nye na: Ma bele fo'o ane ma jô wo na, e wo nyô, alu ebien ya den di, nnôm kub a ngenane teke loñ biyoñ bibaé, wo ye kate ma biyoñ bilaa.